ಸೂಪರ್‌ಸ್ಟಾರ್ ರಜನಿಕಾಂತ್ ಅವರ ಬಹು ನಿರೀಕ್ಷಿತ ಮುಂದಿನ ಸಿನಿಮಾಕ್ಕೆ ಶೀರ್ಷಿಕೆ ರೆಡಿ ಆಗಿದ್ದು, ಚಿತ್ರದ ಹೆಸರು 'ಕಬಾಲಿ' ಎಂದು ನಿರ್ದೇಶಕ ಪಿಎ ರಂಜಿತ್ ಅವರು ಅಧಿಕೃತವಾಗಿ ತಮ್ಮ ಟ್ವಿಟರ್ ಖಾತೆಯಲ್ಲಿ ಪ್ರಕಟಿಸಿದ್ದಾರೆ.
ಕಬಾಲಿ ಚಿತ್ರದ ವಿಶೇಷ ಅಂದ್ರೆ ಇದೊಂದು ಪಕ್ಕಾ ರಿಯಲ್ ಸ್ಟೋರಿ. ಚೆನ್ನೈನಲ್ಲಿದ್ದ ಮಾಫಿಯಾ ಡಾನ್ ಒಬ್ಬನ ನೈಜ ಕತೆ ಅಂತೆ. ಇದರಲ್ಲಿ ರಜನಿಯ ಪಾತ್ರದ ಹೆಸರು ಕಬಾಲೀಶ್ವರನ್.
ಚೆನ್ನೈನ ಮೈಲಾಪುರ್ ಮತ್ತು ಮಲೇಷ್ಯಾದಲ್ಲೂ ಶೂಟಿಂಗ್ ನಡೆಯಲಿದೆಯಂತೆ. ಕಬಾಲೀಶ್ವರನ್‌ಗೆ ನಾಯಕಿಯಾಗಿ ರಾಧಿಕಾ ಆಪ್ಟೆ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಗಾಸಿಪ್ ಇದೆ. ಸೆಪ್ಟೆಂಬರ್ 12ರಿಂದ ಚಿತ್ರದ ಚಿತ್ರೀಕರಣ ಆರಂಭವಾಗಲಿದೆ.