ಮುಂಬೈ: ರಾಷ್ಟ್ರದ ಎರಡನೆ ಅತ್ಯುನ್ನತ ನಾಗರಿಕ ಪ್ರಶಸ್ತಿ ಪದ್ಮವಿಭೂಷಣ ಪ್ರಶಸ್ತಿ ದೊರೆತಿರುವುದಕ್ಕೆ ಹರ್ಷ ವ್ಯಕ್ತ ಪಡಿಸಿದ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್, ಜನರ ಈ ಪ್ರೀತಿಯಿಂದ ನನಗೆ ಅತೀವ ಸಂತಸವಾಗಿದೆ ಎಂದಿದ್ದಾರೆ.
ಪದ್ಮಶ್ರೀ ಮತ್ತು ಪದ್ಮಭೂಷಣ ಪ್ರಶಸ್ತಿಗಳನ್ನೂ ಪಡೆದಿರುವ ೭೨ ವರ್ಷದ ನಟ, ಕೃತಜ್ಞತೆ ಸಲ್ಲಿಸಲು ಪದಗಳೇ ಇಲ್ಲ ಎಂದಿದ್ದರೆ.
"ಭಾರತದ ಸರ್ಕಾರ ಇಂದು ನನ್ನನ್ನು ದೇಶದ ಅತ್ಯುನ್ನಪ ಪದ್ಮ ಪ್ರಶಸ್ತಿಯ ಜೊತೆ ಅಲಂಕರಿಸಿದೆ.... ಕೃತಜ್ಞತೆ ಸಲ್ಲಿಸಲು ಪದಗಳೇ ಇಲ್ಲ... ಜನರ ಈ ಪ್ರೀತಿಯಿಂದ ನನಗೆ ಅತೀವ ಸಂತಸವಾಗಿದೆ..." ಎಂದು ತಮ್ಮ ಬ್ಲಾಗ್ ನಲ್ಲಿ ಬರೆದುಕೊಂಡಿದ್ದಾರೆ.
ದೇಶದ ಏಳು ಈ ಪ್ರಶಸ್ತಿಗಳು ಅಮಿತಾಬ್ ಬಚ್ಚನ್ ಅವರ ಕುಟುಂಬಕ್ಕೆ ಸಂದಿವೆ.
"ನನ್ನ ತಂದೆ: ಪದ್ಮಶ್ರೀ, ಪದ್ಮಭೂಷಣ. ಜಯಾ: ಪದ್ಮಶ್ರೀ, ಐಶ್ವರ್ಯಾ: ಪದ್ಮಶ್ರೀ, ಅಮಿತಾಬ್ ಬಚ್ಚನ್: ಪದ್ಮಶ್ರೀ, ಪದ್ಮ ಭೂಷಣ, ಪದ್ಮ ವಿಭೂಷಣ. ಬಹುಶಃ ದೇಶದಲ್ಲಿ ಇಷ್ಟು ಪ್ರಶಸ್ತಿಗಳನ್ನು ಗಳಿಸಿದ ಕುಟುಂಬ ಇದೊಂದೆ ಇರಬೇಕು" ಎಂದು ಬರೆದುಕೊಂಡಿದ್ದಾರೆ.