ಎಸ್ ಎಸ್ ರಾಜಮೌಳಿ ನಿರ್ದೇಶನದ ಬಾಹುಬಲಿ ಚಿತ್ರ ರಿಲೀಸ್‌ಗೆ ಮುನ್ನವೇ ಗಿನ್ನಿಸ್ ದಾಖಲೆಗೆ ಸೇರ್ಪಡೆ ಸೇರಿ ಸುದ್ದಿಯಾಗಿದೆ. ಅದು ಹೇಗೆ ಅಂತೀರಾ? ಸದ್ಯ, ಗಿನ್ನಿಸ್ ದಾಖಲೆಗೆ ಸೇರಿರುವುದು ಬಾಹುಬಲಿ ಸಿನಿಮಾ ಅಲ್ಲ ಬಾಹುಬಲಿ ಪೋಸ್ಟರ್ . ಕೇರಳದ ಕೊಚ್ಚಿಯಲ್ಲಿ ನಡೆದ ಬಾಹುಬಲಿ ಮಲಯಾಳಂ ಆವೃತ್ತಿಯ ಸಂಗೀತ ಬಿಡುಗಡೆಯ ಸಂದರ್ಭದಲ್ಲಿ ಬೃಹತ್ ಪೋಸ್ಟರ್‌ವೊಂದನ್ನು ನಿರ್ಮಿಸಲಾಗಿತ್ತು. ಈ ಬೃಹತ್ ಪೋಸ್ಟರ್ ಈಗ ಗಿನ್ನಿಸ್ ದಾಖಲೆಗೆ ಸೇರಿದೆ. 51, 961.32 ಚ.ಮೀ ದೊಡ್ಡಗಾಗಿರುವ ಪೋಸ್ಟರ್ ಆಗಿದೆ ಇದು.
ಬಾಹುಬಲಿ ಸಿನಿಮಾದ ಮಲಯಾಳಂ ಆವೃತ್ತಿ ಸಂಗೀತ ಬಿಡುಗಡೆ ಕಾರ್ಯಕ್ರಮದಲ್ಲಿ ಈ ಪೋಸ್ಟರ್‌ನ್ನು ಬಿಡುಗಡೆ ಮಾಡಲಾಗಿತ್ತು. ಈ ಸಮಾರಂಭದಲ್ಲಿ ನಿರ್ದೇಶಕ ಪ್ರಿಯದರ್ಶನ್, ಬಾಹುಬಲಿ ಚಿತ್ರದ ತಾರೆಗಳಾದ ಪ್ರಭಾಸ್, ರಾಣಾ ದುಗ್ಗುಬಾಟಿ, ಅನುಷ್ಕಾ ಶೆಟ್ಟಿ, ತಮನ್ನಾ, ಸಂಗೀತ ನಿರ್ದೇಶಕ ಎಂಎಂ ಕೀರವಾಣಿ, ನಿರ್ಮಾಪಕರು ಉಪಸ್ಥಿತರಿದ್ದರು.