ಸೆಲೆಬ್ರಿಟಿಗಳ ಇನ್ನೊಂದು ಮುಖವನ್ನು ಪರಿಚಯಿಸುವ, ಅವರ ಬದುಕಿನ ಗೊತ್ತಿಲ್ಲದ ಸಂಗತಿಗಳನ್ನು ತಿಳಿಸುವ ಮೂಲಕ ಗಮನಸೆಳೆದಿದ್ದ ವೀಕೆಂಡ್ ವಿತ್ ರಮೇಶ್ ಮತ್ತೆ ಬರುತ್ತಿದೆ.
ನಟ ರಮೇಶ್ ಅರವಿಂದ್ ನಡೆಸಿಕೊಡುವ ಈ ಕಾರ್ಯಕ್ರಮ, ಮೊದಲ ಸೀಸನ್‍ನಲ್ಲಿ ಖ್ಯಾತ ನಟರಾದ ಉಪೇಂದ್ರ, ಪುನೀತ್, ರವಿಚಂದ್ರನ್, ಅರ್ಜುನ್ ಸರ್ಜಾ, ರಾಧಿಕಾ ಪಂಡಿತ್, ಶಿವರಾಜ್ ಕುಮಾರ್, ಯೋಗರಾಜ ಭಟ್ ಸೇರಿದಂತೆ ಚಿತ್ರರಂಗಕ್ಕೆ ಸೇರದ ಅನೇಕರನ್ನೂ ಪರಿಚಯಿಸಲಾಗಿತ್ತು.
26 ಕಂತುಗಳ ಈ ಕಾರ್ಯಕ್ರಮ ಅಪಾರ ಮೆಚ್ಚುಗೆಯನ್ನು ಪಡೆದಿತ್ತು. ಈಗ ಎರಡನೆಯ ಕಂತು ಡಿಸೆಂಬರ್‍ನಲ್ಲಿ ಆರಂಭವಾಗಲಿದ್ದು, ಇದಕ್ಕಾಗಿ ಎಲ್ಲ ಸಿದಟಛಿತೆಗಳು ನಡೆದಿವೆ. ಈ ಬಾರಿ ಇನ್ನಷ್ಟು ತಾರೆಯರನ್ನು ಪರಿಚಯಿಸುವುದಕ್ಕೆ ರಮೇಶ್ ತಯಾರಾಗಿದ್ದಾರೆ. ಮೊದಲ ಕಂತಿನಲ್ಲೇ ನಟಿ, ರಾಜಕಾರಣಿ ರಮ್ಯ ಅವರು ಅತಿಥಿಗಳಾಗಿ ಆಗಮಿಸಲಿದ್ದಾರಂತೆ. ನಂತರದ ಕಂತುಗಳಲ್ಲಿ ಕಿಚ್ಚ ಸುದೀಪ್, ದರ್ಶನ್, ಅಂಬರೀಷ್, ನಿರ್ದೇಶಕ ಗುರುಪ್ರಸಾದ್ ಇನ್ನು ಹಲವರು ರಮೇಶ್ ಅವರೊಂದಿಗೆ ವೀಕೆಂಡ್ ಕಳೆಯಲಿದ್ದಾರೆ.