ನವದೆಹಲಿ: ಗಣೇಶ ಚತುರ್ಥಿ ಕೆಲವು ದಿನಗಳಷ್ಟೇ ಬಾಕಿ ಇದ್ದು, ಬಾಹುಬಲಿ ಚಿತ್ರದ ನಾಯಕನ ಪೋಸ್ ನಲ್ಲಿ ಗಣೇಶ ವಿಗ್ರಹಗಳು ತಯಾರಾಗುತ್ತಿರುವುದು ಈ ಬಾರಿಯ ವಿಶೇಷ ಆಕರ್ಷಣೆಯಾಗಿವೆ.

ಬಾಹುಬಲಿ ಚಿತ್ರದ ನಾಯಕ ಶಿವಲಿಂಗವನ್ನು ಭುಜದ ಮೇಲೆ ಕೊಂಡೊಯ್ಯುತ್ತಿಯುವ ಮಾದರಿಯ ಪೋಸ್ ವಿಗ್ರಹ ತಯಾರಕರ ಮೇಲೆ ಪ್ರಭಾವ ಬೀರಿದ್ದು ಅಂತಹ ಮಾದರಿಯಲ್ಲೇ ವಿಗ್ರಹಗಳನ್ನು ಮಾಡುವುದಾಗಿ ಹೇಳಿದ್ದಾರೆ. ಬಾಹುಬಲಿಯ ಶಿವುಡು ಪಾತ್ರದ ಮಾದರಿಯಲ್ಲೇ ಗಣೇಶ ವಿಗ್ರಹಗಳು ತಯಾರಾಗುತ್ತಿರುವುದಕ್ಕೆ ಚಿತ್ರದ ನಾಯಕ ಪ್ರಭಾಸ್ ಸಂತಸಗೊಂಡಿದ್ದಾರೆ.

ಗಣೇಶ ಹಬ್ಬದ ದಿನ ಶಿವುಡು ಪಾತ್ರದ ಮಾದರಿಯ ಗಣೇಶನ ದರ್ಶನ ಮಾಡಲು ಪ್ರಭಾಸ್ ನಿರ್ಧರಿಸಿದ್ದಾರೆ ಎಂದು ತಿಳಿದುಬಂದಿದೆ. ಬಾಹುಬಲಿ ಚಿತ್ರದಲ್ಲಿ ತಮ್ಮ ಪಾತ್ರ ಪ್ರೇಕ್ಷಕರನ್ನು ಅತಿ ಹೆಚ್ಚು ತಲುಪಿ, ಗಣೆಶ ವಿಗ್ರಹಗಳಾಗುವವರೆಗೂ ಪ್ರಸಿದ್ಧಿಯಾಗಿದೆ.