ಬೆಂಗಳೂರು: ನಟ ಅವಿನಾಶ್ ದಿವಾಕರ್ ಸದ್ಯಕ್ಕ ಕನ್ನಡ ಮತ್ತು ತಮಿಳು ದ್ವಿಭಾಷಾ ಚಿತ್ರದಲ್ಲಿ ನಿರತರಾಗಿದ್ದಾರೆ. ಆದರೆ ಅವರ ಮುಂದಿನ ಚಿತ್ರದ ಆಯ್ಕೆಯಲ್ಲಿ ಸಮಯಹರಣ ಮಾಡದೆ, 'ಚೇಸ್ ಇನ್ ದ ಡಾರ್ಕ್'ನಲ್ಲಿ ನಟಿಸಲು ಸಿದ್ಧರಾಗಿದ್ದಾರೆ,
ಈ ಸಿನೆಮಾದ ಮೂಲಕ ಹರಿ ಆನಂದ್ ನಿರ್ದೇಶನಕ್ಕೆ ಪಾದಾರ್ಪಣೆ ಮಾಡಲಿದ್ದಾರೆ.
"ನಾನು ಮುಂದಿನ ಸಿನೆಮಾದಲ್ಲಿ ತಂತ್ರಜ್ಞಾನದಲ್ಲಿ ನುರಿತ ಚಿತ್ರತಂಡದೊಂದಿಗೆ ಕೆಲಸ ಮಾಡಲಿದ್ದೇನೆ. ಈ ಸಿನೆಮಾ ತನಿಖೆಯ ಬಗೆಗೆ" ಎಂದು ತಿಳಿಸುವ ನಟ "ಈ ಹಿಂದೆ 'ಹಾಲಿಡೆ' ಎಂಬ ಸಿನೆಮಾದಲ್ಲಿ ಹರಿ ಆನಂದ್ ನನ್ನನ್ನು ನಿರ್ದೇಶಿಸಬೇಕಿತ್ತು ಆದರೆ ಅದು ನಿಂತು ಹೋಯಿತು ಈಗ 'ಚೇಸ್..' ನಮ್ಮನ್ನು ಒಟ್ಟಿಗೆ ತರಿಸಿದೆ" ಎನ್ನುತ್ತಾರೆ.
ತಮ್ಮ ವೃತ್ತಿಜೀವನದಲ್ಲಿ ಎರಡನೇ ಬಾರಿಗೆ ಅವಿನಾಶ್ ಪೊಲೀಸ್ ಪಾತ್ರದಲ್ಲಿ ನಟಿಸಲಿದ್ದಾರೆ. ಈ ಹಿಂದೆ ಗಣೇಶ್ ನಟನೆಯ 'ಮದುವೆ ಮನೆ' ಸಿನೆಮಾದಲ್ಲಿ ಖಾಕಿ ಧರಿಸಿದ್ದರು.
ನಟಿ ಶೀತಲ್ ಶೆಟ್ಟಿ ಅವಿನಾಶ್ ಎದುರು ನಟಿಸಲಿದ್ದು, ಅನಂತ್ ಅರಸ್ ಅವರ ಛಾಯಾಗ್ರಹಣ ಸಿನೆಮಾಗಿದೆ. ಕಾರ್ತಿಕ್ ಆಚಾರ್ಯ ಸಂಗೀತ ನೀಡುತ್ತಿದ್ದಾರೆ.
ಸದ್ಯಕ್ಕೆ ನಿರತವಾಗಿರುವ ದ್ವಿಭಾಷಾ ಚಲನಚಿತ್ರದ ಬಗ್ಗೆ ಹೇಳುವ ಅವರ "ಇದು ಕನ್ನಡದಲ್ಲಿ 'ವರ' ಮತ್ತು ತಮಿಳಿನಲ್ಲಿ 'ಮಂಜು ವಿರತ್ತು' ಎಂದು ಚಿತ್ರೀಕರಣಗೊಳ್ಳುತ್ತಿದ್ದು, ಚೆನ್ನೈ ನಲ್ಲಿ ಕೆಲಸ ಮಾಡುತ್ತಿರುವ ಬೆಂಗಳೂರು ಹುಡುಗನೊಬ್ಬನ ಕಥೆ ಇದು. ಅವನು ಮಲಯಾಳಂ ಹುಡುಗಿಯನ್ನು ಪ್ರೀತಿಸುತ್ತಾನೆ. ಈ ಸಿನೆಮಾವನ್ನು ತೆಲುಗು ಮತ್ತು ಮಲಯಾಳಂ ಗೆ ಡಬ್ ಮಾಡಲು ಕೂಡ ನಿರ್ಮಾಪಕರು ಚಿಂತಿಸುತ್ತಿದ್ದಾರೆ" ಎನ್ನುತ್ತಾರೆ ಅವಿನಾಶ್.