ಹಂಬಲ್‌ ಪೊಲಿಟಿಷಿಯನ್‌ ನೊಗರಾಜ್ ಸಿನಿಮಾ ಮೂಲಕ ಬೆಳ್ಳಿತೆರೆಗೆ ಪ್ರವೇಶಿಸುತ್ತಿರುವ ಜೆ ಡ್ಯಾನಿಶ್ ಸೇಟ್ ಗೆ ಅಭಿಮಾನಿಗಳ ಸಂಖ್ಯೆ ಹೆಚ್ಚುತ್ತಿದ್ದು, ಡ್ಯಾನಿಶ್ ಅವರೊಂದಿಗೆ ನಟಿಸಲು ಹಲವು ಯುವಕರು ಸರತಿ ಸಾಲಿನಲ್ಲಿ ಕಾಯುತ್ತಿದ್ದಾರೆ.
ಡ್ಯಾನಿಶ್ ಸೇಟ್ ಅವರ ಚಿತ್ರವನ್ನು ನಿರ್ದೇಶಿಸುತ್ತಿರುವ ಸಾದ್ ಖಾನ್ ಆಯೋಜಿಸಿದ್ದ ಆಡಿಷನ್ ನಲ್ಲಿ ಕೇವಲ ಒಂದೇ ದಿನದಲ್ಲಿ 500 ಜನರು ನೋಂದಣಿ ಮಾಡಿಕೊಂಡಿದ್ದಾರೆ. ಆಡಿಷನ್ ಗೆ ಹಲವಾರು ಯುವಕರು ನೋಂದಣಿ ಮಾಡಿಕೊಂಡಿದ್ದು ಆಡಿಷನ್ ನಲ್ಲಿ ಭಾಗವಹಿಸುತ್ತಿರುವವರಿಗೆ ಡ್ಯಾನಿಶ್ ಸೇಟ್ ಹಾಗೂ ನಿರ್ದೇಶಕ ಸಾದ್ ಖಾನ್ ಕೆಲವು ಸಲಹೆಗಳನ್ನು ನೀಡುತ್ತಿದ್ದಾರೆ.
ಹಲವು ಪಾತ್ರಗಳನ್ನು ಹೊಂದಿರುವ ಹಾಸ್ಯ ಸಿನಿಮಾದಲ್ಲಿ ನಟಿಸುತ್ತಿರುವ ಡ್ಯಾನಿಶ್ ಸೇಠ್ ಹಾಗು ಚಿತ್ರದ ನಿರ್ದೇಶಕರು ಆಡಿಷನ್ ವೇಳೆ ಭಾಗವಹಿಸುವವರಿಗೆ ನೃತ್ಯ, ಹಾಡು ಸೇರಿದಂತೆ ವಿವಿಧ ರೀತಿಯಲ್ಲಿ ಪರೀಕ್ಷೆ ಮಾಡುತ್ತಿದ್ದು, ಆಡಿಷನ್ ಅತ್ಯಂತ ಮೋಜಿನಿಂದ ಕೂಡಿದೆ ಎನ್ನುತ್ತಾರೆ ಪ್ರೊಡೆಕ್ಷನ್ ಯುನಿಟ್ ನ ಸದಸ್ಯರು.
ಮಂಜುನಾಥ ಹಾಗೂ ಆತನ ಪತ್ನಿ ಲಾವಣ್ಯ ಎಂಬ ಪಾತ್ರಗಳಿಗೆ ಆಡಿಷನ್ ನಡೆಯುತ್ತಿದ್ದು, ಈ ಎರಡು ಪಾತ್ರಗಳ ಜೊತೆಯಲ್ಲಿ ಇನ್ನೂ 10-12 ಪಾತ್ರಗಳು ಇರಲಿವೆ. ಹಂಬಲ್‌ ಪೊಲಿಟಿಷಿಯನ್‌ ನೋಗರಾಜ್‌ ಚಿತ್ರವನ್ನು ಪುಷ್ಕರ್ ಫಿಲ್ಮ್ಸ್ ನಿರ್ಮಾಣ ಮಾಡುತ್ತಿದೆ.
ಆಡಿಷನ್ ನಲ್ಲಿ ಭಾಗವಹಿಸಲು ಇಚ್ಛಿಸುವವರು ಬೆಳಿಗ್ಗೆ 10 ರಿಂದ ಸಂಜೆ 8 ರ ವರೆಗೆ ಹೆಚ್ಎಎಲ್ 2 ನೇ ಹಂತ, ಇಂದಿರಾನಗರದಲ್ಲಿರುವ ಪ್ರಾಸ್ಪೆರೋ ಪ್ರೊಡಕ್ಷನ್ಸ್ ಗೆ ಭೇಟಿ ನೀಡಬಹುದಾಗಿದೆ.