ಬೆಂಗಳೂರು: ತಮ್ಮ ಮುಂದಿನ ಚಿತ್ರ 'ಕಿಸ್'ಗೆ ಇನ್ನೂ ಸೂಕ್ತ ತಾರಾಬಳಗದ ಆಯ್ಕೆ ಮುಗಿಯದಿದ್ದರೂ, ಪ್ರೇಮಿಗಳ ದಿನಾಚರಣೆಯಂದು ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ಸಿನೆಮಾಗೆ ಚಾಲನೆ ನೀಡಿದ್ದಾರೆ ನಿರ್ದೇಶಕ ಎ ಪಿ ಅರ್ಜುನ್. "ನಾನು ಸಿನೆಮಾಗೆ ಚಾಲನೆ ನೀಡುವ ದಿನದ ಬಗ್ಗೆ ಕೂತು ಚರ್ಚಿಸುವಾಗ, ನನ್ನ ಬೆರಳುಗಳು ಒಂದಕ್ಕೊಂದು ಬೆಸೆದಿದ್ದವು. ಅವುಗಳ ಮೇಲೆ ಹೃದಯ ಬಿಡಿಸಿದೆ. ಇದು ಪ್ರೀತಿಯ ಸಂಕೇತ ಎಂದೆನಿಸಿ, ನೃತ್ಯ ನಿರ್ದೇಶಕ ಇಮ್ರಾನ್ ಸರ್ದಾರಿಯಾ ಅವರಿಗೆ ತಿಳಿಸಿದೆ. ಅವರು ಇದು ಸೃಜನಶೀಲವಾಗಿದೆ ಎಂದರು. ಇನ್ನೊಂದಷ್ಟು ವಿನ್ಯಾಸಗಳನ್ನು ರಚಿಸಿದ ಮೇಲೆ, 'ಕಿಸ್' ಸಿನೆಮಾದ ಅಧಿಕೃತ ಪೋಸ್ಟರ್ ಗಳಾದವು" ಎಂದು ವಿವರಿಸುತ್ತಾರೆ ಅರ್ಜುನ್.
ಹಿರೋ ಮತ್ತಿ ಹಿರೋಯಿನ್ ಅಂತಿಮವಾಗುವಾರೆಗೂ ಈ ಪೋಸ್ಟರ್ ಗಳ ಮೂಲಕವೇ 'ಕಿಸ್' ಸಿನೆಮಾದ ಬಗ್ಗೆ ಮಾತನಾಡಲಿದ್ದಾರಂತೆ ಅರ್ಜುನ್. ಹೊಸ ಮುಖಗಳ ಹುಡುಕಾಟದಲ್ಲಿರುವ ನಿರ್ದೇಶಕ ಫೆಬ್ರವರಿ ೨೮ ಮತ್ತು ೨೯ರಂದು ಆಡಿಶನ್ ನಡೆಸಲಿದ್ದಾರಂತೆ. "ಆಡಿಶನ್ ನಂತರ ಮುಖ್ಯ ಪಾತ್ರಗಳಿಗೆ ಒಂದು ತಿಂಗಳ ಕಾಲ ತರಬೇತಿ ಇರುತ್ತದೆ. ಏಪ್ರಿಲ್ ೨೪ ರಿಂದ ಚಿತ್ರೀಕರಣ ಪ್ರಾರಂಭವಾಗಲಿದೆ" ಎನ್ನುತ್ತಾರೆ ಅರ್ಜುನ್. ಈ ಸಿನೆಮಾದ ನಿರ್ಮಾಪಕ ವಿ ರವಿಕುಮಾರ್.
ಅರ್ಜುನ್ ಈ ಸಿನೆಮಾಗೆ 'ತುಂಟ ತುಟಿಗಳ ಆಟೋಗ್ರಾಫ್' ಎಂಬ ಅಡಿಶೀರ್ಷಿಕೆ ನೀಡಿದ್ದಾರೆ. "ಪವಿತ್ರ ಪ್ರೀತಿಯ ಸಂಕೇತವಾಗಿರುವ 'ಕಿಸ್' ಸಿನೆಮಾದ ಕೇಂದ್ರ ವಿಷಯ" ಎನ್ನುತ್ತಾರೆ.
'ಅಂಬಾರಿ', 'ಅದ್ದೂರಿ' ರೋಮ್ಯಾಂಟಿಕ್ ಸಿನೆಮಾಗಳನ್ನು ನಿರ್ದೇಶಿಸಿದ್ದ ಅರ್ಜುನ್, ದರ್ಶನ್ ಅಭಿನಯದ 'ಐರಾವತ'ವನ್ನೂ ನಿರ್ದೇಶಿಸಿದ್ದರು.