ಬೆಂಗಳೂರು: ಗುರುನಂದನ್ ಮತ್ತು ಅವಂತಿಕಾ ಶೆಟ್ಟಿ ನಟಿಸಿರುವ ನರೇಶ್ ಕುಮಾರ್ ನಿರ್ದೇಶನದ ಮುಂದಿನ ಚಿತ್ರದ ಹೆಸರು 'ರಾಜು ರಂಗಿತರಂಗ' ಮತ್ತು ಅಡಿ ಶೀರ್ಷಿಕೆ '1st ರ್ಯಾಂಕ್ ಅಲ್ಲ.. 2nd ರ್ಯಾಂಕ್ ಅಲ್ಲ'.

ಕೆ ಎ ಸುರೇಶ್ ನಿರ್ಮಾಣದ ಈ ಸಿನೆಮಾಗೆ ಬಹು ಕಾಲದವರೆಗೆ ಹೆಸರಿಡಲಾಗಿರಲಿಲ್ಲ ಮತ್ತು ಈಗ ಹಲವು ಆಯ್ಕೆಗಳನ್ನು ಅಳೆದು ತೂಗಿ 'ರಾಜು ರಂಗಿತರಂಗ' ಅಂತಿಮಗೊಳಿಸಲಾಗಿದೆ. 

ವಿಶೇಷವೆಂದರೆ ಈ ಶೀರ್ಷಿಕೆಯಲ್ಲಿರುವ ಎರಡು ಸಿನೆಮಾಗಳು ಮುಖ್ಯನಟರು ಈ ಸಿನೆಮಾದಲ್ಲಿ ಒಂದಾಗಿದ್ದಾರೆ. ಸೂಪರ್ ಹಿಟ್ ಸಿನೆಮಾಗಳಾದ 'ರಂಗಿತರಂಗ'ದ ಅವಂತಿಕಾ ಶೆಟ್ಟಿ ಮತ್ತು '1st ರ್ಯಾಂಕ್ ರಾಜು' ಸಿನೆಮಾದ ಗುರುನಂದನ್ ಈ ಸಿನೆಮಾದ ಮೂಲಕ ಒಂದಾಗಿದ್ದಾರೆ. 

'1st ರ್ಯಾಂಕ್ ರಾಜು' ಮೂಲಕ ಸಿನಿಮಾರಂಗಕ್ಕೆ ಪಾದಾರ್ಪಣೆ ಮಾಡಿದ ಗುರುನಂದನ್ ಸದ್ಯಕ್ಕೆ ಬಹುಬೇಡಿಕೆಯುಳ್ಳ ನಟನಾಗಿದ್ದು ಹಲವಾರು ಯೋಜನೆಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅವಂತಿಕಾ ಶೆಟ್ಟಿ ಕೂಡ ಹಿಂದೆ ಬೀಳದೆ, ಅವರು ನಟಿಸಿರುವ 'ಕಲ್ಪನಾ-2' ಕೂಡ ಚಿತ್ರಮಂದಿರಗಳಲ್ಲಿ ಇತ್ತೀಚೆಗಷ್ಟೇ ಬಿಡುಗಡೆಯಾಗಿದೆ. 

ಈ ಸಿನೆಮಾದ ಚಿತ್ರೀಕರಣ ಊಟಿಯಲ್ಲಿ ನಡೆಯುತ್ತಿದೆ.