ಬೆಂಗಳೂರು: 'ಲೂಸಿಯಾ', 'ಯು ಟರ್ನ್' ಖ್ಯಾತಿಯ ನಿರ್ದೇಶಕ ಪವನ್ ಕುಮಾರ್ ಅವರು ಇಂದು ಬಿಡುಗಡೆ ಮಾಡಿರುವ 'ಒಂದು ಮೊಟ್ಟೆಯ ಕಥೆ' ಸಿನೆಮಾ ಟ್ರೇಲರ್ ಸಿನೆಮಾ ರಸಿಕರ ಗಮನ ಸೆಳೆದಿದೆ. ರಾಜ್ ಬಿ ಶೆಟ್ಟಿ ನಿರ್ದೇಶನದ ಈ ಸಿನೆಮಾವನ್ನು ಈಗ ಪವನ್ ಕುಮಾರ್ ತಮ್ಮ ತೆಕ್ಕೆಗೆ ತೆಗೆದುಕೊಂಡಿದ್ದು, ಪವನ್ ಕುಮಾರ್ ಸ್ಟುಡಿಯೋಸ್ ಬ್ಯಾನರ್ ಅಡಿ ಬಿಡುಗಡೆಗೆ ಸಿದ್ಧರಾಗಿದ್ದಾರೆ.
"ಈ ಸಿನೆಮಾದ ಪೋಸ್ಟರ್ ದೊಡ್ಡ ಹಿಟ್ ಆಗಿತ್ತು" ಎನ್ನುವ ಪವನ್ "ಏಕೆಂದರೆ ಇದು ಬೋಳು ತಲೆಯವನ ಬಗ್ಗೆ ಮಾತನಾಡುತ್ತಿತ್ತು ಮತ್ತು ಈಗ ಟ್ರೇಲರ್ ಈ ಸಿನೆಮಾದ ಬಗ್ಗೆ ಪರಿಚಯ ನೀಡಲಿದೆ" ಎನ್ನುತ್ತಾರೆ.
ಈಗ ಈ ಸಿನೆಮಾದ ಪ್ರೀಮಿಯರ್ ಮೇ ೬ ರಂದು ನ್ಯೂಯಾರ್ಕ್ ನಲ್ಲಿ ಜರುಗಲಿದ್ದು, ಪವನ್ ಕುಮಾರ್ ಮತ್ತು ತಂಡ ಪ್ರವಾಸಕ್ಕೆ ಸಿದ್ಧವಾಗಿದೆ.
"ಅಮೆರಿಕದಾದ್ಯಂತ ನಾವು ಈ ಸಿನೆಮಾ ತೋರಿಸುವ ಯೋಜನೆ ರೂಪಿಸಿಕೊಂಡಿದ್ದು, ಏಳು ಎಂಟು ನಗರಗಳಲ್ಲಿ ಇದನ್ನು ತೋರಿಸಲಿದ್ದೇವೆ" ಎನ್ನುತ್ತಾರೆ ಪವನ್.
ಪವನ್ ಕುಮಾರ್ ಮತ್ತು ಸುಹಾನ್ ಪ್ರಸಾದ್ ಜಂಟಿಯಾಗಿ ನಿರ್ಮಿಸಿರುವ ಈ ಸಿನೆಮಾದಲ್ಲಿ ಮಿಧುನ್ ಮುಕುಂದನ್, ಸೀತೇಶ್ ಸಿ ಗೋವಿಂದ್, ರಾಜೇಶ್ ಕುಡ್ಲ, ಪ್ರವೀಣ್, ಪ್ರತೀಕ್ ಶೆಟ್ಟಿ ಮುಂತಾದವರು ಕೆಲಸ ಮಾಡಿದ್ದಾರೆ.
ಈ ಸಿನೆಮಾದ ಟ್ರೇಲರ್ ಇಲ್ಲಿ ವೀಕ್ಷಿಸಿ.