ನೂರೊಂದು ನೆನಪು ಚಿತ್ರವನ್ನು ಮೇ 19ರಂದು ರಾಜ್ಯಾದ್ಯಂತ ಬಿಡುಗಡೆ ಮಾಡಲು ನಿರ್ಮಾಪಕರು ಸಿದ್ಧತೆ ನಡೆಸಿದ್ದಾರೆ. 

ಚಿತ್ರದಲ್ಲಿ ಮೇಘನಾ ರಾಜ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು ಚಿತ್ರದ ಟ್ರೈಲರ್ ಅನ್ನು ತಮ್ಮ ಟ್ವೀಟರ್ ಖಾತೆ ಮುಖಾಂತರ ಬಿಡುಗಡೆ ಮಾಡಿ ಚಿತ್ರದ ಪ್ರಚಾರಕ್ಕೆ ಮುಂದಾಗಿದ್ದಾರೆ. 

ಕಾದಂಬರಿಕಾರ ಸುಹಾಸ್ ಶಿವಾಲ್ಕರ್ ಅವರ ದುನಿಯಾದಾರಿ ಮರಾಠಿ ಕಾದಂಬರಿಯಿಂದ ಸ್ಫೂರ್ತಿ ಪಡೆದ ಕುಮರೇಶನ್ ಚಿತ್ರವನ್ನು ನಿರ್ದೇಶಿಸಿದ್ದಾರೆ. 80ರ ದಶಕದ ಕಥಾವಸ್ತುವನ್ನು ಚಿತ್ರ ಹೊಂದಿದೆ. 

ಇನ್ನು ಚಿತ್ರವನ್ನು ಸೂರಜ್ ದೇಸಾಯಿ ಮತ್ತು ಮನೀಶ್ ದೇಸಾಯಿ ಎಂಬುವರು ನಿರ್ಮಿಸಿದ್ದು ಮೇ 19ಕ್ಕೆ ಚಿತ್ರ ಬಿಡುಗಡೆಗೆ ಸಿದ್ಧತೆ ನಡೆಸಿದ್ದಾರೆ. 

ಚಿತ್ರದಲ್ಲಿ ಆ ದಿನಗಳು ಚೇತನ್, ಮೇಘನಾ ರಾಜ್, ರಾಜವರ್ಧನ್ ಮತ್ತು ಸುಷ್ಮಿತಾ ಜೋಷಿ ನಟಿಸಿದ್ದು ಗಗನ್ ಬದೇರಿಯಾ ಚಿತ್ರಕ್ಕೆ ಸಂಗೀತ ಸಂಯೋಜಿಸಿದ್ದಾರೆ.