ಬೆಂಗಳೂರು: ಶ್ರೀಮುರುಳಿ ಅಭಿನಯದ ಮುಫ್ತಿ ಸಿನಿಮಾದಲ್ಲಿ ಹಿರಿಯ ನಟ ಶಿವರಾಜ್ ಕುಮಾರ್ ಅಭಿನಯಿಸುತ್ತಿರುವುದು ಪ್ರೇಕ್ಷಕರಲ್ಲಿ ಹೆಚ್ಚಿನ ಕುತೂಹಲ ಮೂಡಿಸಿದೆ. ಹಾಗೆಯೇ ಕನ್ನಡ ಪ್ರಸಿದ್ಧ ನಟಿ ಛಾಯಾಸಿಂಗ್ ಕೂಡ ಮುಫ್ತಿ ಮೂಲಕ ಮರು ಎಂಟ್ರಿ ಪಡೆಯುತ್ತಿದ್ದಾರೆ.

2008 ರಲ್ಲಿ ಛಾಯಾಸಿಂಗ್ ಕೊನೆಯದಾಗಿ ಕನ್ನಡ ಸಿನಿಮಾದಲ್ಲಿ ನಟಿಸಿದ್ದರು. ಅದಾದ ನಂತರ ಅವರು ಯಾವುದೇ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿರಲಿಲ್ಲ,

ಮುಫ್ತಿಯಲ್ಲಿನ ಪಾತ್ರದ ಬಗ್ಗೆ ಛಾಯಾಸಿಂಗ್ ಹೆಚ್ಚಿನ ಮಾಹಿತಿ ಬಹಿರಂಗ ಪಡಿಸಿಲ್ಲ, ಆದರೆ ಪ್ರಮುಖ ಪಾತ್ರ ಛಾಯಾ ನಟಿಸುತ್ತಿದ್ದಾರೆ, ಈಗಾಗಲೇ ಮುಫ್ತಿ ಶೂಟಿಂಗ್ ನಲ್ಲಿ ಛಾಯಾ ಸಿಂಗ್ ಭಾಗವಹಿಸಿದ್ದಾರೆ. 

ಸಿನಿಮಾದಲ್ಲಿ ಸಾನ್ವಿ ಶ್ರೀವಾಸ್ತವ, ಹಾಗೂ  ವಿಲನ್ ರೋಲ್ ನಲ್ಲಿ ವಶಿಷ್ಟ ಸಿಂಹ ನಟಿಸಿದ್ದಾರೆ. 

ತುಂಟಾಟ, ಆಕಾಶಗಂಗೆ ಸಿನಿಮಾಗಳಲ್ಲಿ ನಟಿಸಿರುವ ಛಾಯಾಸಿಂಗ್ ಕನ್ನಡದಲ್ಲಿ ವೃತ್ತಿ ಜೀವನ ಆರಂಭಿಸಿದರು. ಜೊತೆಗೆ ದಕ್ಷಿಣ ಭಾರತದ ಹಲವು ಭಾಷೆಗಳಲ್ಲೂ ಕೂಡ ಛಾಯಾ ನಟಿಸಿದ್ದಾರೆ, ಕಿರುತೆರೆ ಧಾರಾವಾಹಿಗಳಲ್ಲಿ ಸದ್ಯ ಆಕೆ ಬ್ಯುಸಿಯಾಗಿದ್ದಾರೆ.