ಚೆನ್ನೈ: ದಕ್ಷಿಣ ಭಾರತದ ಜನಪ್ರಿಯ ಸಿನಿಮಾ ನಟಿ ಪ್ರಿಯಾಮಣಿ ಆಗಸ್ಟ್ 23 ರಂದು ಉದ್ಯಮಿ ಮುಸ್ತಫಾ ರಾಜ್ ಅವರ ಜೊತೆ ಸಪ್ತಪದಿ ತುಳಿಯಲಿದ್ದಾರೆ. ಮದುವೆಯ ನಂತರ ಬ್ರೇಕ್ ತೆಗೆದುಕೊಳ್ಳುವುದಿಲ್ಲ ಎಂದು ಅವರು  ಸ್ಪಷ್ಟ ಪಡಿಸಿದ್ದಾರೆ.

ಪ್ರಿಯಾಮಣಿ ಮತ್ತು ಮುಸ್ತಫಾ ಬೆಂಗಳೂರಿನಲ್ಲಿ ರಿಜಿಸ್ಟಾರ್ ಮದುವೆಯಾಗಲಿದ್ದು, ನಂತರ ಆಪ್ತರಿಗಾಗಿ ಆರತಕ್ಷತೆ ಏರ್ಪಡಿಸಲಿದ್ದಾರೆ.

ನಾವಿಬ್ಬರು ಪ್ರತ್ಯೇಕ ಧರ್ಮಗಳಿಗೆ ಸೇರಿದವರಾದ್ದರಿಂದ ನಾವು ರಿಜಿಸ್ಟಾರ್ ಮದುವೆಯಾಗುತ್ತಿದ್ದೇವೆ, ಇಬ್ಬರು ಪರಸ್ಪರ ಚರ್ಚಿಸಿ ಒಪ್ಪಿಗೆಯ ಮೇರೆಗೆ ಈ ನಿರ್ಧಾರ ತೆಗೆದುಕೊಂಡಿದ್ದೇವೆ ಎಂದು ಪ್ರಿಯಾಮಣಿ ಹೇಳಿದ್ದಾರೆ.

ಮದುವೆಯ ನಂತರವು ಸಿನಿಮಾ ಇಂಡಸ್ಟ್ರಿಯಲ್ಲಿ ವೃತ್ತಿ ಮುಂದುವರಿಸುವುದಾಗಿ ಹೇಳಿದ್ದಾರೆ. ವಿವಾಹವಾದ ಎರಡನೇ ದಿನದ ನಂತರ ನನ್ನ ಕೆಲಸಕ್ಕೆ ಮರಳುವ ಐಡಿಯಾ ಇದೆ, ಎರಡು ಸಿನಿಮಾಗಳ ಶೂಟಿಂಗ್ ಬಾಕಿಯಿರುವ ಕಾರಣ ನಾನು ಬ್ರೇಕ್ ತೆಗೆದುಕೊಳ್ಳುತ್ತಿಲ್ಲ ಎಂದು ಹೇಳಿದ್ದಾರೆ.