ಮುಂಬಯಿ: ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಪುತ್ರಿ ಸುಹಾನಾ ಬಿ.ಟೌನ್ ಗೆ ಲಗ್ಗೆ ಇಡಲು ಸಿದ್ಧತೆ ನಡೆಸುತ್ತಿದ್ದಾರೆ.

ರಕ್ತಗತವಾಗಿತನ್ನ ತಂದೆಯಿಂದಲೇ ಸುಹನಾಗೆ ನಟನಾ ಕಲೆ ಬಂದಿದೆ ಎಂಬುದಕ್ಕೆ ಕಳೆದ ವರ್ಷ ಆಕೆ ತನ್ನ ಶಾಲೆಯಲ್ಲಿ ಆಡಿದ ನಾಟಕದ ವಿಡಿಯೋ ಸಾಕ್ಷಿಯಾಗಿದೆ. 

ಇತ್ತೀಚೆಗೆ ಸುಹಾನಾ ಕರಣ್ ಜೋಹರ್ ಕಚೇರಿಗೆ ಆಗಮಿಸಿದ್ದಳು, ಶಾರುಖ್ ಆಪ್ತರಾಗಿರುವ ಕರಣ್ ಜೋಹರ್ ಕಚೇರಿಯಲ್ಲಿ ಆಕೆ ಕಾಣಿಸಿಕೊಂಡಿದ್ದು ಅಚ್ಚರಿಯ ವಿಷಯವಲ್ಲ, ಬದಲಿಗೆ ಆಕೆ ವೃತ್ತಿ ಪರ ಹೇರ್ ಶ್ಟೈಲಿಸ್ಟ್ ಗಳ ಜೊತೆ ಕರಣ್ ಜೋಹರ್ ಕಚೇರಿಯಲ್ಲಿ ಕಾಣಿಸಿಕೊಂಡಿದ್ದು ಎಲ್ಲರಲ್ಲೂ ಕುತೂಹಲ ಮೂಡಿಸಿದೆ.

ಹಿರಿಯ ಫೋಟೋಗ್ರಾಫರ್ ಆಕೆಯ ಫೋಟೋಶೂಟ್ ಮಾಡಿದ್ದಾರೆ. ತನ್ನ ಮಗಳ ಬಾಲಿವುಡ್ ಎಂಟ್ರಿಗೆ ತಂದೆ ಶಾರುಖ್ ಸದ್ದಿಲ್ಲದೇ ಬೆಂಬಲ ನೀಡುತ್ತಿದ್ದಾರೆ. ಸೈಫ್ ಅಲಿ ಖಾನ್ ಪುತ್ರಿ ಸಾರಾ ಅಲಿ ಖಾನ್ ನಂತರ ಬಾಲಿವುಡ್ ಗೆ ಮತ್ತೊಬ್ಬ ಸ್ಟಾರ್ ನಟನ ಮಗಳ ಎಂಟ್ರಿಯಾಗುತ್ತಿದೆ ಎಂದು ಡಿಎನ್ ಎ ವರದಿ ಮಾಡಿದೆ.