'ಆಪರೇಷನ್ ಅಲಮೇಲಮ್ಮ' ಸಿನೆಮಾದಲ್ಲಿ ಶ್ರದ್ಧ ಶ್ರೀನಾಥ್
ಬೆಂಗಳೂರು: ಸುನಿ ನಿರ್ದೇಶನದ ಮುಂದಿನ ಚಿತ್ರ 'ಆಪರೇಷನ್ ಅಲಮೇಲಮ್ಮ' ಸಾವಧಾನವಾಗಿ ಸಿನೆರಸಿಕರಲ್ಲಿ ಕುತೂಹಲ ಕೆರಳಿಸುತ್ತಿದೆ. ಪುರ್ಮಿ-ಪಾರಿವಾಳ ಪಾತ್ರವನ್ನು ಪರಿಚಿಯಿಸಿದ ಮೇಲೆ ಈಗ ಮತ್ತೊಂದು ಪಾತ್ರದ ಅನಾವರಣಕ್ಕೆ ನಿರ್ದೇಶಕ ಮುಂದಾಗಿದ್ದಾರೆ.
ಮನೀಶ್ ರಿಷಿ ನಟಿಸಿರುವ ಪುರ್ಮಿ ಪಾತ್ರದ ಟೀಸರ್ ಜನಮೆಚ್ಚುಗೆ ಪಡೆದಿತ್ತು. ಈಗ ಒಂದು ತಿಂಗಳ ನಂತರ ನಟಿ ಶ್ರದ್ಧ ಶ್ರೀನಾಥ್ ನಟನೆಯ ಅನನ್ಯ ಟೀಚರ್ ಪಾತ್ರವನ್ನು ಪರಿಚಯಿಸುವ ಟೀಸರ್ ಬಿಡುಗಡೆಗೆ ಮುಂದಾಗಿದ್ದಾರೆ.
ಕಳೆದ ಟೀಸರ್ ಅನ್ನು ತರಕಾರಿ ಮಾರಾಟಗಾರ ಬಿಡುಗಡೆ ಮಾಡಿದ್ದರೆ, ಈ ನೂತನ ಟೀಸರ್ ಶಾಲಾ ಉಪನ್ಯಾಸಕರಿಂದ ಬಿಡುಗಡೆಯಾಗಲಿದೆ.
ಅನನ್ಯ ಪಾತ್ರಕ್ಕೆ ಎರಡು ಚಹರೆಗಳಿವೆ ಎನ್ನುವ ನಿರ್ದೇಶಕ "ಕೌಟುಂಬಿಕವಾಗಿ ಅವರು ಮನೆಯಲ್ಲಿ ಮೌನವಾಗಿರುತ್ತಾರೆ, ಆದರೆ ಅವರು ಸ್ವಚ್ಛಂದದ ಹುಡುಗಿ... ಅದರ ಪರಿಚಯ ಪ್ರೇಕ್ಷಕರಿಗೆ ಟೀಸರ್ ಮೂಲಕ ಸಿಗಲಿದೆ" ಎನ್ನುತ್ತಾರೆ.
ರಾಜೇಶ್ ನಟರಂಗ ಮತ್ತು ಅರುಣ್ ಬಾಲರಾಜ್ ಕೂಡ ನಟಿಸಿರುವ ಈ ಸಿನೆಮಾದಲ್ಲಿ, ಜುಡಾ ಸ್ಯಾಂಡಿ ಸಂಗೀತ ನೀಡಿದ್ದಾರೆ, ಅಭಿಷೇಕ್ ಕಾಸರಗೋಡ್ ಅವರ ಸಿನೆಮ್ಯಾಟೋಗ್ರಫಿ ಚಿತ್ರಕ್ಕಿದೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos