ಮಹೇಶ್ ಬಾಬು ನಿರ್ದೇಶನದ ಕ್ರೇಜಿ ಬಾಯ್ ಚಿತ್ರದ ಮೂಲಕ ಸ್ಯಾಂಡಲ್ವುಡ್ ಗೆ ಎಂಟ್ರಿ ಕೊಟ್ಟ ಆಶಿಕಾ ರಂಗನಾಥ್ ಇದೀಗ ಚಿತ್ರರಂಗದಲ್ಲಿ ಮೋಡಿ ಮಾಡಲು ರೆಡಿಯಾಗಿದ್ದಾರೆ. 

ಅದಾಗಲೇ ರಾಜು ಕನ್ನಡ ಮೀಡಿಯಂ, ಶಿವಣ್ಣ ಅಭಿನಯದ ಮಾಸ್ ಲೀಡರ್, ಗಣೇಶ್ ಅಭಿನಯದ ಮುಗುಳುನಗೆ ಮತ್ತು ಗರುಡ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇನ್ನು ಸಮಯ ವ್ಯರ್ಥ ಮಾಡದ ಆಶಿಕಾ ಮತ್ತೊಂದು ಚಿತ್ರಕ್ಕೆ ರೆಡಿಯಾಗಿದ್ದಾರೆ. 

ಅನಿಲ್ ಕುಮಾರ್ ನಿರ್ದೇಶನದ ಶರಣ್ ಅಭಿನಯದ ಹೊಸ ಚಿತ್ರದಲ್ಲಿ ಆಶಿಕಾ  ಅಭಿನಯಿಸುತ್ತಿದ್ದಾರೆ. ಚಿತ್ರವನ್ನು ಲಾಡೂ ಸಿನಿಮಾಸ್ ನಿರ್ಮಿಸುತ್ತಿದ್ದು ಏಳು ಮಂದಿ ನಿರ್ಮಾಪಕರು. ತರುಣ್ ಸುದೀರ್, ಅರ್ಜುನ್ ಜನ್ಯ, ಸುಧಾಕರ್ ಎರ್ ರಾಜ್, ಕೆಎಂ ಪ್ರಕಾಶ್, ಮೋಹನ್ ಬಿ ಕೇರೆ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಮುಂದಿನ 10 ದಿನಗಳ ಕಾಲ ಮೊದಲ ಹಂತದ ಚಿತ್ರೀಕರಣ ನಡೆಯಲಿದೆ. 

ಶರಣ್ ಜತೆ ನಟಿಸುತ್ತಿರುವುದು ಖುಷಿಯಾಗಿದೆ. ಈ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ನಟಿಸುತ್ತಿದ್ದೇನೆ. ಇದರಲ್ಲಿ ಸ್ವಲ್ಪ ಗ್ಲಾಮರೆಸ್ ಆಗಿ ಕಾಣಿಸಿಕೊಳ್ಳುತ್ತಿದ್ದೇನೆ ಎಂದು ಆಶಿಕಾ  ಹೇಳಿದ್ದಾರೆ.