ಬೆಂಗಳೂರು: ನಿರ್ಮಾಪಕ ರಾಕ್ಲೈನ್ ವೆಂಕಟೇಶ್ ಇದೀಗ 8 ಎಂಎಂ ಥ್ರಿಲ್ಲರ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಎ ಹರಿಕೃಷ್ಣ ನಿರ್ದೇಶನದ ‘8 ಎಂಎಂ’ ಎಂಬ ಚಿತ್ರದಲ್ಲಿ ಅವರು ಪ್ರಮುಖ ಪಾತ್ರವೊಂದರಲ್ಲಿ ಅಭಿನಯಿಸುತ್ತಿದ್ದಾರೆ.
ನಟ ಜಗ್ಗೇಶ್ ಹಾಗೂ ವಸಿಷ್ಠ ಸಿಂಹ ಪ್ರಮುಖಪಾತ್ರದಲ್ಲಿ ಅಭಿನಯಿಸುತ್ತಿದ್ದು, ಈಗ ಅವರೊಂದಿಗೆ ರಾಕ್ಲೈನ್ ವೆಂಕಟೇಶ್ ಕೂಡ ಇರುವುದು ಬಹಿರಂಗವಾಗಿದೆ. ನಿರ್ವಪಕ ಹಾಗೂ ನಟರೂ ಆಗಿರುವ ವೆಂಕಟೇಶ್, ಒಂದು ಸಣ್ಣ ಗ್ಯಾಪ್ ಬಳಿಕ ಮತ್ತೆ ಪರದೆ ಮೇಲೆ ಮಿಂಚಲು ಹೊರಟಿದ್ದಾರೆ.
‘ಈ ಚಿತ್ರದಲ್ಲಿ ಏಳೆಂಟು ಮುಖ್ಯಪಾತ್ರಗಳು ಬರುತ್ತವೆ. ಅದರಲ್ಲಿ ಜಗ್ಗೇಶ್, ರಾಕ್ಲೈನ್ ವೆಂಕಟೇಶ್ ಹಾಗೂ ವಸಿಷ್ಠ ಸಿಂಹ ಅವರದ್ದು ಅತಿಮುಖ್ಯಪಾತ್ರಗಳು. ಈ ಮೂರೂ ಪಾತ್ರಗಳು ಬಹುತೇಕ ಚಿತ್ರದುದ್ದಕ್ಕೂ ಇರುತ್ತವೆ. ಆದರೆ ರಾಕ್ಲೈನ್ ಪಾತ್ರ ಏನು ಅಂತ ಇನ್ನು ಕೆಲವೇ ದಿನಗಳಲ್ಲಿ ತಿಳಿಸಲಾಗುವುದು ಎಂದು ಹರಿಕೃಷ್ಣ ತಿಳಿಸಿದ್ದಾರೆ.