ಜಾಗ್ವರ್ ಚಿತ್ರದ ನಾಯಕ ನಿಖಿಲ್ ಕುಮಾರ್ ಅಭಿನಯದ ಮೂರನೇ ಚಿತ್ರವನ್ನು ಹರ್ಷ ನಿರ್ದೇಶನ ಮಾಡಲಿದ್ದಾರೆ ಎಂಬುದನ್ನು ಸಿಟಿ ಎಕ್ಸ್ ಪ್ರೆಸ್ ವರದಿ ಮಾಡಿದ್ದು ಇದನ್ನು ದೃಢಪಡಿಸಿರುವ ನಿರ್ದೇಶಕ ಹರ್ಷ ಚಿತ್ರದ ಪಾತ್ರದಾರಿಗಳ ಆಯ್ಕೆಯಲ್ಲಿ ತೊಡಗಿದ್ದಾರೆ. 

ನಿಖಿಲ್ ಕುಮಾರ್ ಮುನಿರತ್ನ ನಿರ್ಮಾಣದ ಪೌರಾಣಿಕ ಕುರುಕ್ಷೇತ್ರ ಚಿತ್ರದಲ್ಲಿ ಅಭಿಮನ್ಯು ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರದ ನಂತರ ನಿಖಿಲ್ ಹರ್ಷ ನಿರ್ದೇಶನದ ಚಿತ್ರದಲ್ಲಿ ನಟಿಸಲಿದ್ದಾರೆ. ನಿಖಿಲ್ ಗೆ ನಾಯಕಿಯಾಗಿ ನವನಟಿ ರಿಯಾ ನಲ್ವಾಡೆ ಅಭಿನಯಿಸುತ್ತಿದ್ದು ನಿಖಿಲ್ ತಂದೆಯಾಗಿ ಖ್ಯಾತ ನಟ ಶರತ್ ಕುಮಾರ್ ನಟಿಸಲಿದ್ದಾರೆ ಎಂಬುದು ಮೂಲಗಳಿಂದ ತಿಳಿದುಬಂದಿದೆ. 

ನಿರ್ದೇಶಕ ಹರ್ಷ ಮೊದಲಿಗೆ ರಿಯಾ ನಲ್ವಾಡೆ ಅವರನ್ನು ಸ್ಕ್ರೀನ್ ಟೆಸ್ಟ್ ಮಾಡಲಿದ್ದು ಅಂದುಕೊಂಡಂತೆ ಆದರೆ ರಿಯಾ ನಲ್ವಾಡೆ ಅವರು ನಿಖಿಲ್ ಗೆ ನಾಯಕಿಯಾಗಲಿದ್ದಾರೆ. ನವೆಂಬರ್ ಕೊನೆಯಲ್ಲಿ ಅಥವಾ ಡಿಸೆಂಬರ್ ನಲ್ಲಿ ಚಿತ್ರದ ಮುಹೂರ್ತ ನಡೆಯಲಿದೆ.