ಚೆನ್ನೈ: ಟಾಲಿವುಡ್ ನ ಸ್ಟಾರ್ ನಟ ಜ್ಯೂ.ಎನ್ ಟಿಆರ್ ಇತ್ತೀಚೆಗಷ್ಟೇ ತೆರೆ ಕಂಡ ಜೈ ಲವ ಕುಶ ಚಿತ್ರದ ಯಶಸ್ಸಿನಲ್ಲಿದ್ದಾರೆ. ಈ ನಡುವೆಯೇ ಆಂಧ್ರಪ್ರದೇಶದ ಮಾಜಿ ಸಿಎಂ, ನಟ ಎನ್ ಟಿ ರಾಮರಾವ್ ಅವರ ಚಿತ್ರವೂ ತಯಾರಾಗುವ ಸಾಧ್ಯತೆ ಇದ್ದು " ನಾನು ಅಜ್ಜನ ಪಾತ್ರದಲ್ಲಿ ನಟಿಸುವಷ್ಟು ಧೈರ್ಯ ಇಲ್ಲವೆಂದು ಹೇಳಿದ್ದಾರೆ.
ಸಧ್ಯದಲ್ಲೇ ಎನ್ ಟಿಆರ್ ಅವರ ಜೀವನ ಚರಿತ್ರೆಯನ್ನು ತೆರೆಯ ಮೇಲೆ ತರುವ ಸಿದ್ಧತೆ ನಡೆಯುತ್ತಿದ್ದು, ರಾಮ್ ಗೋಪಾಲ್ ವರ್ಮಾ ಎನ್ ಟಿಆರ್ ಕುರಿತ ಚಿತ್ರ ಮಾಡುವುದನ್ನು ಘೋಷಿಸಿದ್ದಾರೆ. ರಾಮ್ ಗೋಪಾಲ್ ವರ್ಮಾ ಅವರು ನಿರ್ದೇಶಿಸುತ್ತಿರುವ ಎನ್ ಟಿಆರ್ ರಾಮರಾವ್ ಅವರ ಜೀವನ ಚರಿತ್ರೆ ಚಿತ್ರದಲ್ಲಿ ಎನ್ ಟಿಆರ್ ಪಾತ್ರವನ್ನು ನಿರ್ವಹಿಸುತ್ತೀರಾ? ಎಂಬ ಮಾಧ್ಯಮಗಳ ಪ್ರಶ್ನೆಗೆ ಉತ್ತರಿಸಿರುವ ಜ್ಯೂ.ಎನ್ ಟಿಆರ್ ಎನ್ ಟಿಆರ್ ಅವರ ಪಾತ್ರದಲ್ಲಿ ನಟಿಸುವಷ್ಟು ಧೈರ್ಯವಿಲ್ಲ ಎಂದು ಹೇಳಿದ್ದಾರೆ.