ಸ್ಯಾಂಡಲ್ವುಡ್ ನ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್ ಚಿತ್ರದ ಶೂಟಿಂಗ್ ಭರದಿಂದ ಸಾಗಿದೆ. ಕಳೆದ ಒಂದು ವರ್ಷದಿಂದ ಕೆಜಿಎಫ್ ನ ಸುಡು ಬಿಸಿಲಿನಲ್ಲಿ ಶೂಟಿಂಗ್ ಭರದಿಂದ ಸಾಗಿತ್ತು. 

ತಮ್ಮ ಚಿತ್ರದ ಕುರಿತಂತೆ ಮಾತನಾಡಿರುವ ಯಶ್, ನಾವು ಅಂದುಕೊಂಡದೆ ಕೆಜಿಎಫ್ ನಲ್ಲಿ ಮೊದಲ ಭಾಗದ ಚಿತ್ರೀಕರಣ ನಡೆಸಿದ್ದೇವು. ಕೆಜಿಎಫ್ ನಲ್ಲಿ ನಿಜಕ್ಕೂ ಸುಡು ಬಿಸಿಲು. ಅದರಲ್ಲೂ 12 ರಿಂದ 3 ಗಂಟೆಯವರೆಗೆ ಕೆಜಿಎಫ್ ಕೆಂಡದಂತಾಗಿರುತ್ತದೆ. ಇನ್ನು ಅಲ್ಲಿ ಹುಡುಕಿದರೂ ಒಂದು ಮರ ಕೂಡ ಕಾಣುವುದಿಲ್ಲ. ತೇವಾಂಶದ ಗಾಳಿಯು ಎಲ್ಲಕ್ಕಿಂತ ಕೆಟ್ಟದಾಗಿತ್ತು. ಅಂತೂ ಒಂದು ವರ್ಷಗಳ ಕಾಲ ಕೆಜಿಎಫ್ ನಲ್ಲಿ ಚಿತ್ರೀಕರಣ ಮುಗಿಸಿದ್ದೇವೆ ಎಂದರು. 

ಇನ್ನು ತಮ್ಮ ಮದುವೆಯಾದ ಕೂಡಲೇ ಕೆಜಿಎಫ್ ಚಿತ್ರದ ಚಿತ್ರೀಕರಣದಲ್ಲಿ ತೊಡಗಿಕೊಂಡಿದ್ದು ಕೊಂಚ ಕಷ್ಟವಾಗಿತ್ತು. ಆದರೆ ಅದನ್ನೆಲ್ಲಾ ನಿಭಾಯಿಸುತ್ತೇನೆ ಎಂದು ಅಂದುಕೊಂಡಿದ್ದೆ. ಈ ಸಮಯದಲ್ಲಿ ಬಹಳಷ್ಟು ಸಂಗತಿಗಳು ಸಂಭವಿಸಿದವು ನಾನು ಪ್ರತಿ ಕ್ಷಣವನ್ನೂ ಅನುಭವಿಸಿದೆ ಎಂದರು. 

ಹೊಂಬಾಳೆ ಬ್ಯಾನರ್ ಅಡಿ ಚಿತ್ರ ನಿರ್ಮಾಣವಾಗುತ್ತಿದ್ದು ಪ್ರಶಾಂತ್ ನೀಲ್ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಐದು ಭಾಷೆಗಳಲ್ಲಿ ಕೆಜಿಎಫ್ ಚಿತ್ರ ಬಿಡುಗಡೆಯಾಗಲಿದೆ. ಇನ್ನು ಚಿತ್ರದಲ್ಲಿನ ತಮ್ಮ ಪಾತ್ರ ರಾಖಿ ಕುರಿತಂತೆ ಹೇಳಬೇಕಾದರೆ ಅವನೊಬ್ಬ ಧೈರ್ಯಶಾಲಿ ಮತ್ತು ಆತ್ಮವಿಶ್ವಾಸ ಉಳ್ಳವನು. ಆದರೆ ಪ್ರತಿಯೊಂದು ಘಟನೆಯನ್ನು ನಾವು ತೆರೆಯ ಮೇಲೆ ತೋರಿಸಲು ಆಗುವುದಿಲ್ಲ. ಆದರೆ ಆತನ ಸ್ವಭಾವವನ್ನು ಹಂಚಿಕೊಂಡಿದ್ದೇನೆ. ಇದು ನನಗೆ ಹೇಳಿ ಮಾಡಿಸಿದ ಪಾತ್ರ ಎಂದು ಯಶ್ ಹೇಳಿದ್ದಾರೆ.