ಕರುನಾಡ ಚಕ್ರವರ್ತಿ ಶಿವರಾಜ್ ಕುಮಾರ್ ಪುತ್ರಿ ನಿವೇದಿತಾ ವೆಬ್ ಸೀರಿಸ್ ವೊಂದನ್ನು ನಿರ್ಮಿಸಲಿದ್ದು ಇದರಲ್ಲಿ ಭೀಮಸೇನ ನಳಮಹಾರಾಜದ ನಾಯಕ ಅರವಿಂದ್ ಅಯ್ಯರ್ ನಾಯಕನಾಗಿ ನಟಿಸುತ್ತಿದ್ದಾರೆ. 

ಶ್ರೀಮುತ್ತು ಸಿನಿ ಸರ್ವಿಸ್ ಬ್ಯಾನರ್ ಅಡಿ ಹೇಟ್ ಯು ರೋಮಿಯೋ ವೆಬ್ ಸೀರಿಸ್ ಅನ್ನು ನಿವೇದಿತಾ ನಿರ್ಮಾಣ ಮಾಡುತ್ತಿದ್ದು ಈ ಹಿಂದೆ ಲೂಸ್ ಕನೆಕ್ಷನ್ ವೆಬ್ ಸೀರಿಸ್ ನಿರ್ದೇಶಿಸಿದ್ದ ಹಸೀನ್ ಖಾನ್ ಹಾಗೂ ಇಶಾಮ್ ಖಾನ್ ಈ ವೆಬ್ ಸೀರಿಸ್ ಅನ್ನು ನಿರ್ದೇಶಿಸುತ್ತಿದ್ದಾರೆ. 

ಹೇಟ್ ಯು ರೋಮಿಯೋ ವೆಬ್ ಸೀರಿಸ್ ನ ಹಿಂದೂ ಆವೃತ್ತಿಯಲ್ಲಿ ಸೈಫ್ ಅಲಿ ಖಾನ್, ಮಾಧವನ್ ಮತ್ತು ತೆಲುಗಿನ ಆವೃತ್ತಿಯಲ್ಲಿ ಜಗಪತಿ ಬಾಬು ಅವರು ಅಭಿನಯಿಸಲಿದ್ದಾರೆ. ದೊಡ್ಡ ನಟರ ಜೊತೆ ಅಭಿನಯಿಸುತ್ತಿರುವುದು ನನಗೆ ಚಾಲೆಂಜ್ ಎಂದು ಅರವಿಂದ್ ಅಯ್ಯರ್ ಹೇಳಿದ್ದಾರೆ. 

ಮೂವತ್ತು ನಿಮಿಷಗಳ ಏಳು ಸಂಚಿಕೆಗಳು ಈ ವೆಬ್ ಸೀರಿಸ್ ನಲ್ಲಿರಲಿದೆ. ವಿಯೆಟ್ನಾಂನಲ್ಲಿ ಸಂಪೂರ್ಣ ಚಿತ್ರೀಕರಣ ಮಾಡಲಾಗುತ್ತಿದ್ದು ಬೆಂಗಳೂರಿನ ಕೆಲ ಭಾಗಗಳಲ್ಲಿ ಚಿತ್ರೀಕರಣ ನಡೆಯಲಿದೆ.