ಬೆಂಗಳೂರು: ಹಲವು ಘಟಾನುಘಟಿ ನಿರ್ಮಾಪಕರು ಜನವರಿ ಕೊನೆಯ ವಾರದಲ್ಲಿ ತಮ್ಮ ಸಿನಿಮಾಗಳನ್ನು ರಿಲೀಸ್ ಮಾಡಲು ತಯಾರಿ ನಡೆಸಿದ್ದಾರೆ.
ನಿಖಿಲ್ ಕುಮಾರ್ ಹಾಗೂ ರಚಿತಾ ರಾಮ್ ನಟಿಸಿರುವ ಸೀತಾರಾಮ ಕಲ್ಯಾಣ ಸಿನಿಮಾವನ್ನು ಎ, ಹರ್ಷ ನಿರ್ದೇಶಿಸಿದ್ದು, ಸಿನಿಮಾವನ್ನು ಡಿಸೆಂಬರ್ 10 ರಂದು ಸೆನ್ಸಾರ್ ಮಂಡಳಿ ಮುಂದೆ ಪ್ರದರ್ಶಿಸಲಾಗುವುದು. ಅದಾದ ನಂತರ ಸಿನಿಮಾ ಬಿಡುಗಡೆ ದಿನಾಂಕವನ್ನು ಅಧಿಕೃತವಾಗಿ ಘೋಷಿಸಲಾಗುವುದು.
ಜನವರಿ 22 ರಂದು ನಿಖಿಲ್ ಕುಮಾರ್ ಹುಟ್ಟು ಹಬ್ಬವಿದ್ದು, ಅಂದು ಪ್ರೀ-ರೀಲಿಸ್ ಮಾಡಲು ಯೋಜಿಸಲಾಗುತ್ತಿದೆ. ಆದರೆ ಜನವರಿ 25 ವೀಕೆಂಡ್ ಆಗಿರುವುದರಿಂದ ಗಣರಾಜ್ಯೋತ್ಸವ ದಿನದ ಹಿಂದಿನ ದಿನ ಬಿಡುಗಡೆ ಮಾಡಲು ಚಿತ್ರತಂಡ ಪ್ಲಾನ್ ಮಾಡುತ್ತಿದೆ.
ಸೀತಾರಾಮ ಕಲ್ಯಾಣ ಸಿನಿಮಾದ ಸಂಪೂರ್ಣ ಪೋಸ್ಚ್ ಪ್ರೊಡಕ್ಷನ್ ಕೆಲಸವನ್ನು ಖುದ್ದು ನಿಖಿಲ್ ಕುಮಾರ್ ನಿಂತುಕೊಂಡು ಮಾಡುತ್ತಿದ್ದಾರೆ. ಚೆನ್ನಾಂಬಿಕಾ ಫಿಲ್ಮ್ಸ್ ಅಡಿಯಲ್ಲಿ ಸಿನಿಮಾ ನಿರ್ಮಾಣವಾಗಿದ್ದು, ಉತ್ತಮ ಗುಣಮಟ್ಟದ ಸಿನಿಮಾ ಹೊರತರಲು ನಿಖಿಲ್ ಮುಂದಾಗಿದ್ದಾರೆ.