ಬೆಂಗಳುರು: ಶರಣ್ ಗೆ ಈ ವರ್ಷ ಸಿಹಿಯಾದ ವರ್ಷವಾಗಿದೆ, ಅವರ ಅಭಿನಯದ ಎರಡೂ ಚಿತ್ರಗಳು ಬಾಕ್ಸ್ ಆಫೀಸ್ ನಲ್ಲಿ ಯಶಸ್ಸು ಗಳಿಸಿ ಅಪಾರ ಜನಮೆಚ್ಚುಗೆಗೆ ಪಾತ್ರವಾಗಿದೆ. ಮೊದಲು ತೆರೆಕಂಡ "ರ್ಯಾಂಬೀ 2 "ಚಿತ್ರ ಶತದಿನಗಳನ್ನು ಪೂರೈಸಿದರೆ ಆ ಬಳಿಕ ಬಿಡುಗಡೆಯಾದ "ವಿಕ್ಟರಿ 2" ಸಹ ಹದಿನಾಲ್ಕು ಥಿಯೇಟರ್ ಗಳಲ್ಲಿ 50 ದಿನಗಳನ್ನು ಪೂರೈಸಿದೆ.

ಹರಿ ಸಂತೋಶ್ ನಿರ್ದೇಶನದ ಈ ಚಿತ್ರದಲ್ಲಿ ತರುಣ್ಭ್ ಸುಧೀರ್ ತಂಡದ ಕ್ರಿಯೇಟಿವ್ ಹೆಡ್ ಆಗಿದ್ದರು. ತರುಣ್ ಶಿವಪ್ಪ ಸಾರಥ್ಯದ ತರುಣ್ ಟಾಕೀಸ್ ಪಾಲಿಗಿದು ಮೂರನೇ ಚಿತ್ರವಾಗಿದೆ. ಈ ಹಿಂದೆ "ರೋಸ್" ಹಾಗೂ "ಲೀಡರ್" ಚಿತ್ರಗಳನ್ನು ಈ ಸಂಸ್ಥೆಯೇ ತಯಾರಿಸಿತ್ತು. ಇದೇ ಸಂತಸದಲ್ಲಿ ನಟ ಹಾಗೂ ನಿರ್ದೇಶಕರು ತಾವು ಜತೆಯಾಗಿ ಇನ್ನೊಂದು ಚಿತ್ರ ಮಾಡಲು ಮುಂದಾಗಿದ್ದಾರೆ.

"ನಾವಿಬ್ಬರೂ ಕೂಡಿ ಇನ್ನೊಂದು ಚಿತ್ರ ಮಾಡಲು ಮುಂದಾಗಿದ್ದೇವೆ, ಅದಕ್ಕಾಗಿ ಸರಿಯಾದ ಸ್ಕ್ರಿಪ್ಟ್ ಸಹ ಸಿಕ್ಕಿದೆ. ಇದೀಗ ನಾನು ಎರಡು ಚಿತ್ರಗಳಲ್ಲಿ ತೊಡಗಿಸಿಕೊಂಡಿದ್ದು ಈ ಚಿತ್ರದ ಬಗೆಗೆ ಮುಂದಿನ ದಿನಗಳಲ್ಲಿ ವಿವರ ನೀಡುತ್ತೇನೆ" ತರುಣ್ ಹೇಳಿದ್ದಾರೆ.