ನವದೆಹಲಿ: ಸಿನಿಮಾಗಳನ್ನು ಆಯ್ಕೆ ಮಾಡುವುದಕ್ಕೆ ಪ್ರತಿಯೊಬ್ಬ ಕಲಾವಿದನೂ ತನ್ನದೇ ಆದ ರೀತಿಯನ್ನು ಹೊಂದಿರುತ್ತಾನೆ ಎಂದು ಹೇಳಿರುವ ಬಾಲಿವುಡ್ ನಟ ಶಾರೂಖ್ ಖಾನ್, ತಾನು ಸಿನಿಮಾಗಳನ್ನು ಹುಡುಕುತ್ತಾ ಹೋಗುವುದಿಲ್ಲ ಎಂದಿದ್ದಾರೆ. 

ಸಿನಿಮಾಗಳ ಪಾತ್ರ ತಮಗೆ ಹೊಂದುತ್ತದೆ, ನಾನು ಪಾತ್ರಗಳನ್ನು ಅರಸಿ ಹೋಗುವುದಿಲ್ಲ ಎಂದು ಶಾರೂಖ್ ಖಾನ್ ಹೇಳಿದ್ದು, ಅಕ್ಷಯ್ ಕುಮಾರ್ ಟಾಯ್ಲೆಟ್: ಏಕ್ ಪ್ರೇಮ್ ಕಥಾ ರೀತಿಯಲ್ಲಿ ಸಿನಿಮಾ ಪ್ರಮೋಷನ್ ಮಾಡುತ್ತೀರಾ ಎಂಬ ಪ್ರಶ್ನೆಗೆ ಉತ್ತರಿಸಿರುವ ಶಾರೂಖ್ ಖಾನ್, ಪ್ರತಿಯೊಬ್ಬ ಕಲಾವಿದನೂ ತನ್ನದೇ ಆದ ರೀತಿಯಲ್ಲಿ ಸಿನಿಮಾ ಮಾಡುತ್ತಾನೆ ಎಂದಿದ್ದಾರೆ.

ನಾನು 15 ವರ್ಷಗಳಿಂದ ನಿರ್ಮಾಪಕನಾಗಿದ್ದೇನೆ ನಾನು ಮಾಡಬೇಕೆಂದುಕೊಂಡ ಸಿನಿಮಾವನ್ನು ನಾನು ಯಾವತ್ತೂ ನಿರ್ಮಾಣ ಮಾಡಿಲ್ಲ, ಬಹುಶಃ ಸಿನಿಮಾಗಳೇ ನನ್ನನ್ನು ಆಯ್ಕೆ ಮಾಡುತ್ತದೆ ಎಂದು ಶಾರೂಖ್ ಖಾನ್ ಹೇಳಿದ್ದಾರೆ.