ಬೆಂಗಳೂರು: ರಾಕ್ ಲೈನ್ ವೆಂಕಟೇಶ್ ನಿರ್ಮಾಣದ ಪುನೀತ್ ಅಭಿನಯದ ಹೊಸ ಚಿತ್ರವನ್ನು ಪವನ್ ಒಡೆಯರ್ ನಿರ್ದೇಶಿಸುತ್ತಿದ್ದಾರೆ, ಮಾರ್ಚ್ -8 ರಂದು ಸಿನಿಮಾ ಸೆಟ್ಟೇರಲಿದ್ದು ಪುನೀತ್ ಮುಂದಿನ ಚಿತ್ರಕ್ಕೆ ನಾಯಕಿ ಯಾರು ಎಂಬುದರ ಮೇಲೆ ಎಲ್ಲರ ಗಮನ ಕೇಂದ್ರೀಕೃತವಾಗಿದೆ.

ಪುನೀತ್ ಗೆ ನಾಯಕಿಯಾಗಿ ಹೊಸ ಮುಖವನ್ನು ಪರಿಚಯಿಸೇಕೆಂಬುದು ನಿರ್ಮಾಪಕರ ಬಯಕೆಯಾಗಿದ್ದು, ಅದರಂತೆ ಪುನೀತ್ ಸಿನಿಮಾಗೆ ನಾಯಕಿ ಆಯ್ಕೆಯಾಗಿದ್ದಾಳೆ,

ತೆಲುಗಿನ ವಿಜಯ ದೇವರಕೊಂಡ ನಟನೆಯ ಟ್ಯಾಕ್ಸಿವಾಲಾ ಸಿನಿಮಾದಲ್ಲಿ ಅಭಿನಯಿಸಿದ್ದ ಪ್ರಿಯಾಂಕಾ ಜ್ವಾಲಕರ್ ಆಯ್ಕೆಯಾಗಿದ್ದಾರೆ. ನಿರ್ಮಾಪಕರು ಹೊಸ ಪ್ರತಿಭೆಗಾಗಿ ಹುಡುಕಾಟ ನಡೆಸುತ್ತಿರುವಾಗ, ಆ ಪಾತ್ರಕ್ಕೆ ಪ್ರಿಯಾಂಕ ಸೂಕ್ತ ಎಂದೆನೆಸಿ ಆಕೆಯನ್ನು ಆಯ್ಕೆ ಮಾಡಲಾಗಿದೆ ಎಂದು ಮೂಲಗಳು ತಿಳಿಸಿವೆ, ಚಿತ್ರಕ್ಕೆ ಪ್ರಿಯಾಂಕಾ ಸಹಿ ಮಾಡಿದ್ದು,ಶೀಘ್ರವೇ ಶೂಟಿಂಗ್ ನಲ್ಲಿ ಪಾಲ್ಗೋಳ್ಳಲಿದ್ದಾರೆ.

ಮಹಾರಾಷ್ಟ್ರದ ಅನಂತಪುರದಲ್ಲಿ ಪ್ರಿಯಾಂಕಾ ಜನಿಸಿದ್ದು,ಸಾಫ್ಟ್ ವೇರ್ ಎಂಜಿನೀಯರ್ ಆಗಿರುವ ಪ್ರಿಯಾಂಕಾ ಫ್ಯಾಷನ್ ಡಿಸೈನಿಂಗ್ ಕೋರ್ಸ್ ಕೂಡ ಕಲಿತಿದ್ದಾರೆ. 

ರಾಹುಲ್ ಸಂಕೀರ್ತನ್ ನಿರ್ದೇಶನದ ಟ್ಯಾಕ್ಸಿವಾಲಾದಲ್ಲಿ ಪ್ರಿಯಾಂಕಾ ನಟೆಸಿದ್ದು, ಬಿಡುಗಡೆಗೆ ಕಾಯಲಾಗುತ್ತಿದೆ. ಸಿನಿಮಾದ ಹೆಚ್ಚಿನ ವಿವರಗಳನ್ನುನಿರೀಕ್ಷಿಸಲಾಗುತ್ತಿದೆ. ಪುನೀತ್, ಪ್ರಿಯಾಂಕಾ ಜೊತೆ ರವಿಶಂಕರ್ ನಟಿಸಿದ್ದಾರೆ.