ಸುನಿ ನಿರ್ದೇಶನದ ಗಣೇಶ್-ರಶ್ಮಿಕಾ ಅಭಿನಯದ ಚಿತ್ರ ಚಮಕ್ 25 ದಿನಗಳ ಪ್ರದರ್ಶನ ಪೂರೈಸಿದೆ. ಚಿತ್ರದ ಯಶಸ್ಸು ಕಂಡು ನಿರ್ದೇಶಕ ಸುನಿ ಚಿತ್ರ ಬಿಡುಗಡೆಯ ಯಶಸ್ಸನ್ನು ಬಿಂಬಿಸುವ ಟ್ರೇಲರ್ ತರಲು ನಿರ್ಧರಿಸಿದ್ದಾರೆ.

ಪೋಸ್ಟ್ ರಿಲೀಸ್ ಟ್ರೇಲರ್ ಕನ್ನಡ ಚಿತ್ರೋದ್ಯಮದಲ್ಲಿ ಇದೇ ಮೊದಲನೆಯದಾಗಿದ್ದು, ನಮಗೆ ಟ್ರೇಲರ್ ಬಿಡುಗಡೆ ಮಾಡಲು ಒಂದು ಸಂದರ್ಭ ಬೇಕಾಗಿತ್ತು. ಇನ್ನೂ ಚಿತ್ರ ನೋಡದಿರುವವರಿಗೆ ಇದೊಂದು ಆಹ್ವಾನ ಎಂದು ಪರಿಗಣಿಸಬಹುದು ಎನ್ನುತ್ತಾರೆ ನಿರ್ದೇಶಕ ಸುನಿ.

ರೊಮಾಂಟಿಕ್ ಕಾಮಿಡಿ ಚಿತ್ರವಾದ ಚಮಕ್ ನಲ್ಲಿ ಗಣೇಶ್ ಖುಷ್ ಎಂಬ ಸ್ತ್ರೀರೋಗ ತಜ್ಞರ ಪಾತ್ರವನ್ನು ಮತ್ತು ರಶ್ಮಿಕಾ ಮಂದಣ್ಣ ಗೃಹಿಣಿ ಪಾತ್ರವನ್ನು ನಿರ್ವಹಿಸಿದ್ದಾರೆ. ಟಿ.ಆರ್.ಚಂದ್ರಶೇಖರ್ ನಿರ್ಮಾಣದ ಚಿತ್ರಕ್ಕೆ ಜುಡ ಸ್ಯಾಂಡಿಯವರ ಸಂಗೀತ ಮತ್ತು ಸಂತೋಷ್ ರೈ ಪಾತಾಜೆ ಛಾಯಾಗ್ರಹಣ ಒದಗಿಸಿದ್ದಾರೆ.