ಬೆಂಗಳೂರು: ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಮನೆ ಮುಂದೆ ಸಾಲು ಸಾಲು ಆಟೋಗಳು! ಇಷ್ಟಕ್ಕೂ ಆಟೋ ಚಾಲಕರಿಗೆ ದರ್ಶನ್ ಮನೆ ಮುಂದೇನು ಕೆಲಸ? ಹೀಗೆಂದು ನೀವು ಕೇಳಿದರೆ ಅವರು ಕೇವಲ ಆಟೋ ಚಾಲಕರಲ್ಲ ಅವರೆಲ್ಲ ನಟ ದರ್ಶನ್ ಅಭಿಮಾನಿಗಳೂ ಹೌದು.

ಕಳೆದೆರಡು ದಿನಗಳಿಂಡ 'ಸಾರಥಿ' ದರ್ಶನ್ ಮನೆ ಮುಂದೆ ತಮ್ಮ ಆಟೋ ಸಮೇತವಾಗಿ ಜಮಾಯಿಸಿರುವ ಈ ಆಟೋ ಚಾಲಕರು ತಮ್ಮ ಅಭಿಮಾನಿ ನಟನ ಆಟೋಗ್ರಾಫ್ ಸದಾ ನಮ್ಮನೆನಪಲ್ಲಿ ಉಳಿಯಬೇಕೆಂದು ತಮ್ಮ ಜೀವನಾಧಾರವಾಗಿರುವ ಆಟೋಗಳ ಮೇಲೆ ದರ್ಶನ್ ಆಟೋಗ್ರಾಫ್ ಹಾಕಿಸಿಕೊಳ್ಳುತ್ತಿದ್ದಾರೆ.

ದರ್ಶನ್ ಅವರ ಸಾವಿರಾರು ಅಭಿಮಾನಿಗಳ ನಡುವೆ ನಾವು ಪ್ರತ್ಯೇಕವಾಗಿ ಕಾಣಬೇಕೆನ್ನುವ ಹಂಬಲದೊಡನೆ ಆಟೋ ಚಾಲಕರು ಈ ಹೊಸ ಆಲೋಚನೆ ಮಾಡಿದ್ದರು.

ಹೀಗೆ ತಮ್ಮ ಮನೆ ಬಳಿ ಬಂದ ಆಟೋ ಚಾಲಕರ ಆಟೋಗಳ ಮೇಲೆ ನಟ ದರ್ಶನ್ ಆಟೋಗ್ರಾಫ್ ಹಾಕುತ್ತಿರುವ ಫೋಟೋಗಳು ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ.

ಇದರಿಂದ ಸ್ಪೂರ್ತಿಗೊಂಡು ಮುಂದಿನ ದಿನಗಳಲ್ಲಿ ಮತ್ತಷ್ಟು ಆಟೋಈ ಚಾಲಕರೂ ತಮ್ಮ ತಮ್ಮ ಆಟೋಗಳಿಗೆ ತಮಗಿಷ್ಟದ ನಟರಿಂದ ಹೀಗೆ ಆಟೋಗ್ರಾಫ್ ಹಾಕಿಸಿಕೊಂಡರೆ ಅಚ್ಚರಿ ಇಲ್ಲ.