ರೆಬೆಲ್ ಸ್ಟಾರ್ ಅಂಬರೀಷ್ ಪುತ್ರ ಅಭಿಷೇಕ್  ಸ್ಯಾಂಡಲ್ ವುಡ್ ಪ್ರವೇಶಿಸುತ್ತಿದ್ದು,  ಅವರನ್ನು    ಸ್ವಾಗತಿಸಲು ಕನ್ನಡ ಚಿತ್ರರಂಗ ಸಜ್ಜಾಗಿದೆ. ಶೀಘ್ರದಲ್ಲಿಯೇ ಅವರು ತಮ್ಮ ಚೊಚ್ಚಲ ಸಿನಿಮಾಕ್ಕೆ   ಬಣ್ಣ ಹಚ್ಚಲಿದ್ದಾರೆ.

 ಅಮರ್  ಹೆಸರಿನ ಈ ಚಿತ್ರಕ್ಕೆ ನಾಗಶೇಖರ್ ನಿರ್ದೇಶಕರಾಗಿದ್ದು, ಸಂದೇಶ್ ಚಿತ್ರ ನಿರ್ಮಾಣ ಮಾಡುತ್ತಿದ್ದಾರೆ.ಅರ್ಜುನ್ ಜನ್ಯಾ, ಈ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಲಿದ್ದು, ಸತ್ಯ ಹೆಗ್ಡೆ ಅವರ ಛಾಯಾಗ್ರಹಣವಿರಲಿದೆ.  ಸಂಪಾದಕ ವಿಭಾಗದಲ್ಲಿ ಯಾರು  ಇರಲಿದ್ದಾರೆ ಎಂಬುದನ್ನು ಚಿತ್ರ ನಿರ್ಮಾಪಕರು ಇನ್ನೂ ಬಹಿರಂಗಪಡಿಸಿಲ್ಲ.

 ಈ ನಡುವೆ  ಮೇ 29 ರಂದು ಚಿತ್ರದ ಅದ್ದೂರಿ ಮುಹೂರ್ತ ಸಮಾರಂಭವನ್ನು ಚಿತ್ರತಂಡ ಆಯೋಜಿಸಿದೆ.   ಅಂಬರೀಷ್ ಹುಟ್ಟುಹಬ್ಬದ ದಿನದಿಂದೇ   ಅಭಿಷೇಕ್  ಚಿತ್ರ ದ ಮುಹೂರ್ತ ನಡೆಯುತ್ತಿರುವುದು ವಿಶೇಷವಾಗಿದೆ.

ನಿರ್ದೇಶಕರೊಂದಿಗೆ ನಿರಂತರವಾಗಿ ಚರ್ಚೆ ನಡೆಸುತ್ತಿದ್ದು, ಕ್ಯಾಮರಾ ಮುಂದೆ ನಿಲ್ಲಲು ಸಿದ್ಧವಿರುವುದಾಗಿ ಅಭಿಷೇಕ್ ಹೇಳಿದ್ದಾರೆ.  ನಾಯಕಿ ನಟಿ , ಪ್ರಸಾದನ  ಸೇರಿದಂತೆ   ಎಲ್ಲ ಪ್ರಕ್ರಿಯೆಗಳು ಪೂರ್ಣಗೊಂಡಿವೆ.