ಇತ್ತೀಚೆಗೆ ಡಬ್ಬಿಂಗ್ ಚಿತ್ರಗಳು ಕನ್ನಡದಲ್ಲಿ ಬಿಡುಗಡೆಯಾಗುತ್ತಿರುವುದು ಜಾಸ್ತಿಯಾಗುತ್ತಿದ್ದು ತಮಿಳು ನಟ ಅಜಿತ್ ಅಭಿನಯದ ವಿಸ್ವಾಸಂ ಚಿತ್ರ ಕನ್ನಡದಲ್ಲಿ ಜಗಮಲ್ಲ ಹೆಸರಿನಲ್ಲಿ ಬಿಡುಗಡೆಯಾಗಿತ್ತು. ಇದೀಗ ನಟ-ನಿರ್ದೇಶಕ ರಾಘವ ಲಾರೆನ್ಸ್ ಅಭಿನಯದ ಕಾಂಚನ 3 ಚಿತ್ರ ಬಿಡುಗಡೆಗೆ ಮುಂದಾಗಿದೆ.

ಕಾಂಚನ 3 ಇದೇ ತಿಂಗಳ 19ಕ್ಕೆ ಬಿಡುಗಡೆಯಾಗುತ್ತಿದೆ. ತಮಿಳಿನ ಈ ಚಿತ್ರ ತೆಲುಗು ಹಾಗೂ ಕನ್ನಡಕ್ಕೆ ಡಬ್ ಆಗುತ್ತಿದೆ. ಕಾಂಚನ ಸರಣಿಯ ಎರಡು ಚಿತ್ರಗಳು ಕನ್ನಡಕ್ಕೆ ರಿಮೇಕ್ ಆಗಿತ್ತು. ಉಪೇಂದ್ರ ಈ ಸಿನಿಮಾದಲ್ಲಿ ನಾಯಕನಾಗಿದ್ದರು. ಆದರೇ ಇದೀಗ ಮೂರನೇ ಸಿನಿಮಾ ನೇರವಾಗಿ ಡಬ್ ಆಗಿ ಬರುತ್ತಿದೆ.

ನಟನೆ ಜೊತೆಗೆ ನಾಯಕನಾಗಿ ರಾಘವ ಲಾರೆನ್ಸ್ ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದು ವೇದಿಕಾ ಲಾರೆನ್ಸ್ ಗೆ ಜೋಡಿಯಾಗಿ ಅಭಿನಯಿಸುತ್ತಿದ್ದಾರೆ. ಕೆಎಸ್ಕೆ ಶೋ ರೀಲ್ ಹಾಗೂ ಬಸವರಾಜ್ ಈ ಚಿತ್ರದ ಕರ್ನಾಟಕದ ವಿತರಣೆಯನ್ನು ಪಡೆದುಕೊಂಡಿದ್ದಾರೆ.