ರೆಬೆಲ್ ಸ್ಟಾರ್ ಅಂಬರೀಷ್ ಪುತ್ರ ಅಭಿಷೇಕ್ ನಟಿಸಿರುವ ಬಹು ನಿರೀಕ್ಷಿತ ಅಮರ್ ಸಿನಿಮಾ ಮೇ 31 ಕ್ಕೆ ರಿಲೀಸ್ ಆಗಲಿದೆ. ಮೇ 29ಕ್ಕೆ ಅಂಬರೀಷ್ ಹುಟ್ಟುಹಬ್ಬವಿದೆ,
ಸಂದೇಶ್ ಪ್ರೊಡಕ್ಷನ್ಸ್ ನಿರ್ಮಾಣದ ಈ ಚಿತ್ರವು ಅಭಿಷೇಕ್ ಚೊಚ್ಚಲ ಚಿತ್ರವಾಗಿದ್ದು ತಾನ್ಯಾ ಹೋಪ್ ನಾಯಕಿಯಾಗಿ ಅಭಿಷೇಕ್ ಗೆ ಸಾಥ್ ನೀಡುತ್ತಿದ್ದಾರೆ.
ಅಮರ್ ಚಿತ್ರದಲ್ಲಿ ದರ್ಶನ್ ಕೂಡ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ, ಜೊತೆಗೆ ನಿರೂಪ್ ಭಂಡಾರಿ ಮತ್ತು ರಚಿತಾ ರಾಮ್ ಗೆಸ್ಟ್ ಅಪಿಯರೆನ್ಸ್ ಇದೆ.
ಏಪ್ರಿಲ್ 20 ರಂದು ಈ ಚಿತ್ರದ ಎರಡನೆಯ ಹಾಡನ್ನು ಚಿತ್ರತಂಡ ಬಿಡುಗಡೆ ಮಾಡುತ್ತಿದೆ."ಸುಮನೆ" ಹಾಡಿಗೆ ಹಿನ್ನೆಲೆ ಸಂಗೀತ ಅರ್ಜುನ್ ಜನ್ಯ ನೀಡಿದ್ದರೆ , ಗಾಯಕರಾದ ಸೋನು ನಿಗಮ್ ಮತ್ತು ಶ್ರೇಯಾ ಘೋಶಾಲ್ ಹಿನ್ನಲೆ ಗಾಯನ ನೀಡಿದ್ದಾರೆ.