ನಿರ್ದೇಶಕ ಗುರು ದೇಶಪಾಂಡೆ ನಿರ್ಮಾಪಕರಾಗಿ ತಮ್ಮ ಎರಡನೇ ಚಿತ್ರ ಪ್ರಾರಂಭಿಸಲು ಸಿದ್ಧತೆ ನಡೆಸಿದ್ದಾರೆ. ಚಿತ್ರದ ಮುಹೂರ್ತ ಆ.9 ರಂದು ನಡೆಯಲಿದೆ.
ಅಜಯ್ ರಾವ್ ನಾಯಕ ನಟನಾಗಿ ನಟಿಸಲಿರುವ ಚಿತ್ರದ ಟೈಟಲ್ ’ರೈನ್ಬೋ’. ಕಲರ್ಸ್ ಆಫ್ ಕ್ರೈಮ್ ಈ ಚಿತ್ರದ ಟ್ಯಾಗ್ ಲೈನ್. ಈ ಥ್ರಿಲ್ಲರ್ ಚಿತ್ರ ನಿರ್ದೇಶಕ ಎಸ್ ರಾಜವರ್ಧನ್ ಅವರ ಪ್ರಥಮ ಚಿತ್ರವೂ ಆಗಿದೆ. ಗುರು ದೇಶಪಾಂಡೆ ಅವರ ಯೋಜನೆಗಳಲ್ಲಿ ತೊಡಗಿಸಿಕೊಂಡಿದ್ದ ರಾಜವರ್ಧನ್ ಪ್ರಸ್ತುತ ಪ್ರಜ್ವಲ್ ದೇವರಾಜ್ ಅವರ ಜಂಟಲ್ ಮ್ಯಾನ್ ಚಿತ್ರದ ಸಹ ನಿರ್ದೇಶಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಜಿ-ಸಿನಿಮಾಸ್ ಬ್ಯಾನರ್ ಅಡಿಯಲ್ಲಿ ರೈನ್ಬೊ ನಿರ್ಮಾಣವಾಗುತ್ತಿದ್ದು, ಟಗರು ಚಿತ್ರದಲ್ಲಿ ನಟಿಸಿದ್ದ ನಟಿ ಮಾನ್ವಿತಾ ಇದೇ ಮೊದಲ ಬಾರಿಗೆ ಅಜಯ್ ರಾವ್ ಜೊತೆ ಸಿನಿಮಾ ಮಾಡುತ್ತಿದ್ದಾರೆ. ರಿಲ್ಯಾಕ್ಸ್ ಸತ್ಯ, ದಾರಿ ತಪ್ಪಿದ ಮಗ, ನಾಗತಿಹಳ್ಳಿ ಚಂದ್ರಶೇಖರ್ ಅವರ ಇಂಡಿಯಾv/s ಇಂಗ್ಲೆಂಡ್ ತೆರೆ ಕಾಣಲು ಸಿದ್ಧವಾಗಿರುವ, ಮಾನ್ವಿತ ನಟನೆಯ ಮುಂದಿನ ಸಿನಿಮಾಗಳಾಗಿವೆ.