2020ನೇ ವರ್ಷದಲ್ಲಿ ನಟ ಹಾಗೂ ರಾಜಕಾರಣಿ ನಿಖಿಲ್ ಸಂಪೂರ್ಣವಾಗಿ ಸಿನಿಮಾ ಕಡೆ ತಮ್ಮ ಗಮನ ಫೋಕಸ್ ಮಾಡಲಿದ್ದಾರೆ.
ಪೈಲ್ವಾನ್‌ ನಿರ್ದೇಶಕ ಕೃಷ್ಣ ಜೊತೆ ಅವರೊಂದು ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು, ಆದರೆ ಅದಕ್ಕೂ ಮೊದಲೇ ಮತ್ತೊಂದು ಸಿನಿಮಾಕ್ಕೆ ನಿಖಿಲ್ ಚಾಲನೆ ನೀಡಲಿದ್ದಾರೆ ಎಂದು ತಿಳಿದು ಬಂದಿದೆ.
ತೆಲುಗಿನ ಸೂಪರ್ ಹಿಟ್ ಸಿನಿಮಾ 'ಗುಂಡೇ ಜಾರಿ ಗಲ್ಲಂತಾಯಿಂದಿ'ಗೆ ನಿರ್ದೇಶನ ಮಾಡಿದ್ದ ವಿಜಯ್‌ ಕುಮಾರ್ ಕೊಂಡ, ಈಗ ನಿಖಿಲ್‌ಗೆ ಸಿನಿಮಾ ಮಾಡಲಿದ್ದಾರಂತೆ.
'ಒಕ ಲೈಲಾ ಕೋಸಂ' ಸಿನಿಮಾ ಮಾಡಿದ್ದರು ವಿಜಯ್‌. ಆದಾದ ಮೇಲೆ ಅವರು ಯಾವುದೇ ಸಿನಿಮಾ ನಿರ್ದೇಶಿಸಿಲ್ಲ. ಐದು ವರ್ಷಗಳ ಬಳಿಕ ಈಗ ನಿಖಿಲ್ ಸಿನಿಮಾ ಮಾಡುವ ಮೂಲಕ ಕನ್ನಡಕ್ಕೆ ಎಂಟ್ರಿ ನೀಡಿದ್ದಲ್ಲದೆ, ನಿರ್ದೇಶನಕ್ಕೂ ಮರಳಿದ್ದಾರೆ.
ನಿಖಿಲ್ ನಟನೆಯ ಈ ಸಿನಿಮಾಗೆ ಕನ್ನಡದವರೇ ಆದ ಅರ್ಜುನ್‌ ಜನ್ಯ ಸಂಗೀತ ಸಂಗೀತ ಸಂಯೋಜನೆ ಮಾಡಲಿದ್ದಾರೆ. ಹಾಗಾಗಿ, ನಿಖಿಲ್-ಅರ್ಜುನ್‌ ಜನ್ಯ ಕಾಂಬಿನೇಷನ್‌ ಮೇಲೆ ನಿರೀಕ್ಷೆ ಹೆಚ್ಚಲಿದೆ.
ಸಿನಿಮಾಗೆ ಭಾರತದ ಖ್ಯಾತ ಆಡಿಯೋ ಸಂಸ್ಥೆ ಲಹರಿ ಬಂಡವಾಳ ಹೂಡಲಿದೆಯಂತೆ. ಆಡಿಷನ್‌ಗೆ ನೀಡಿರುವ ಜಾಹೀರಾತಿನಲ್ಲೂ ಲಹರಿ ಮ್ಯೂಸಿಕ್‌ ಅರ್ಪಿಸುವ ಎಂದೇ ಮುದ್ರಿಸಲಾಗಿದೆ.
ಸಂಕ್ರಾಂತಿ ಹಬ್ಬದ ನಂತರ ಸಿನಿಮಾದ ಶೂಟಿಂಗ್ ಆರಂಭಗೊಳ್ಳಲಿದ್ದು, ಕನ್ನಡದಲ್ಲಿ ಮತ್ತು ತೆಲುಗು ಎರಡು ಭಾಷೆಗಳಲ್ಲಿ ಸಿನಿಮಾ ಬರಲಿದೆ.