ಬೆಂಗಳೂರು: ಮಾನ್ವಿಯ್ತಾ ಹರೀಶ್ ಅಭಿನಯದ ಕನ್ನಡ, ಮರಾಠಿ ಭಾಷೆಗಳಲ್ಲಿ ತೆರೆ ಕಾಣುತ್ತಿರುವ ದ್ವಿಭಾಷಾ ಚಿತ್ರಕ್ಕೆ "ರಾಜಸ್ಥಾನ ಡೈರಿಸ್" ಎಂದು ಹೆಸರಿಡಲಾಗಿದೆ. ನಂದಿತಾ ಯಾದವ್ ನಿರ್ದೇಶನದ ಈ ಚಿತ್ರದ ಚಿತ್ರೀಕರಣ ಮಾರ್ಚ್ 7ರಿಂದ ಪ್ರಾರಂಭವಾಗಲಿದೆ.
ನವ ನಟ ಸುಮುಖ್ ಮಾನ್ವಿತಾ ಅವರ ಜೋಡಿಯಾಗಿ ಕಾಣಿಸಿಕೊಳ್ಳುವ ಈ ಚಿತ್ರದ ಚಿತ್ರೀಕರಣ ಮುಂಬೈ ಹಾಗೂ ರಾಜಸ್ಥಾನದಲ್ಲಿ ನಡೆಯಲಿದೆ. ಇದೊಂದು ಹದಿಹರೆಯದ ಪ್ರಣಯ ಕಥಾನಕವಾಗಿದೆ.
"ಟಗರು" ನಾಯಕಿ ಮಾನ್ವಿತಾ ಇದಾಗಲೇ ಅನಿಲ್ ಕುಮಾರ್ ನಿರ್ದೇಶನದ "ದಾರಿ ತಪ್ಪಿದ ಮಗ" ಹಾಗು ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದ ವಸಿಷ್ಟ ಸಿಂಹ ನಾಯಕನಾಗಿರುವ ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ.
ಈ ಚಿತ್ರದಲ್ಲಿ ಅರುಣ್ ಸಾಗರ್, ರಾಜೇಶ್ ನಟರಂಗ ಹಾಗೂ ಮಿಥುನ್ ಚಕ್ರವರ್ತಿ ಅಭಿನಯವಿದೆ.