ದಾಂಪತ್ಯ ಜೀವನಕ್ಕೆ ನೇಹಾ ಪಾಟೀಲ್, ಪ್ರಣವ್ ಕೈಹಿಡಿದ ಕನ್ನಡ ನಟಿ

ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ತಮ್ಮ ವಿಶೇಷ ಅಭಿನಯಗಳಿಂದ ಗುರುತಿಸಿಕೊಂಡಿದ್ದ ನೇಹಾ ಪಾಟೀಲ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಹುಬ್ಬಳ್ಳಿ ಮೂಲದ ನಟಿ ನೇಹಾ ಇಂಜುಇನಿಯರ್ ಹುಡುಗ ಪ್ರಣವ್ ಅವರ ಜತೆ ಸಪ್ತಪದಿ ತುಳಿದಿದ್ದಾರೆ.ನಿನ್ನೆ ಸಂಜೆ ಬೆಂಗಳೂರು ವಿಜಯನಗರದ ಕಲ್ಯಾಣ ಮಂಟಪದಲ್ಲಿ ಆರತಕ್ಷತೆ ನಡೆದಿದ್ದು ಶುಕ್ರವಾರ ವಿವಾಹ ಮಹೋತ್ಸವ ಸಹ ಅದ್ದೂರಿಯಾಗಿ ನೆರವೇರಿದೆ.

ಆರತಕ್ಷತೆಯಲ್ಲಿ ಕನ್ನಡ ಚಿತ್ರರಂಗದ ಗಣ್ಯರು ಭಾಗವಹಿಸಿ ನವಜೋಡಿಗೆ ಶುಭ ಹಾರೈಸಿಸಿದ್ದರು. ನಟಿ ದಿಪೀಕಾ ದಾಸ್, ಶರಣ್ಯ, ನಿರ್ದೇಶಕ ಮುರಳಿಕೃಷ್ಣ ಹಾಗೂ ನಿರೂಪಕ ರೆಹಮಾನ್ ಸೇರಿ ಅನೇಕರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ನೇಹಾ ಅವರದ್ದು ಹಿರಿಯರು ನೋಡಿದ ಹುಡುಗನೊಡನೆ ನಡೆದ ವಿವಾಹವಾಗಿದ್ದು ಕುಟುಂಬದ ಹಿರಿಯರು, ಆಪ್ತರು ಮದುವೆಯಲ್ಲಿ ಭಾಗವಹಿಸಿದ್ದರು.

2011ರಲ್ಲಿ ಚಿತ್ರರಂಗ ಪ್ರವೇಶಿಸಿದ್ದ ನೇಹಾ ಸಂಕ್ರಾಂತಿ, ಸಂಯುಕ್ತ, ವರ್ಧನ, ಟೈಟ್ಲು ಬೇಕಾ, ತಿಪ್ಪಜ್ಜಿ ಸರ್ಕಲ್, ಸಿತಾರ, ಪಾರು ವೈಫ್ ಆಫ್ ದೇವದಾಸ್ ಸೇರಿ ಅನೇಕ ಚಿತ್ರಗಳಲ್ಲಿ ಅಭಿನಯಿಸಿ ಪ್ರೇಕ್ಷಕರ ಮನಗೆದ್ದಿದ್ದರು.