ಕಳೆದ ವರ್ಷದ ಡಿಸೆಂಬರ್ ನಲ್ಲಿ ಆರಂಭವಾದ ಪ್ರೀತಂ ಗುಬ್ಬಿ ನಿರ್ದೇಶನದ 99 ಸಿನಿಮಾ ಈಗಾಗಲೇ 35 ದಿನಗಳ ಶೂಟಿಂಗ್ ಪೂರ್ಣಗೊಳಿಸಿದೆ, ಚಿತ್ರತಂಡ ಕರಾವಳಿ ತೀರದಲ್ಲಿ ಹಗಲು ರಾತ್ರಿ ಸಿನಿಮಾ ಶೂಟಿಂಗ್ ಮಾಡುತ್ತಿದೆ,
ತಮಿಳಿನಲ್ಲಿ ವಿಜಯ್ ಸೇತುಪತಿ ನಟಿಸಿರುವ 96 ಸಿನಿಮಾದಿಂದ ಸ್ಪೂರ್ತಿಗೊಂಡು ಕನ್ನಡದಲ್ಲಿ 99 ಸಿನಿಮಾ ತಯಾರಾಗುತ್ತಿದೆ. ಕನ್ನಡ ವರ್ಸನ್ ನಲ್ಲಿ ಗಣೇಶ್ ಮತ್ತು ಭಾವನಾ ಪ್ರಧಾನ ಪಾತ್ರದಲ್ಲಿ ನಟಿಸಿದ್ದಾರೆ, ಸಿನಿಮಾದ ಒಂದು ಹಾಡಿನ ಚಿತ್ರೀಕರಣ ಮಾತ್ರ ಬಾಕಿ ಉಳಿದಿದೆ.
ಚಿತ್ರದಲ್ಲಿ ಗಣೇಶ್ ಲುಕ್ ಇರುವ ಸ್ಟಿಲ್ ಅನ್ನು ಚಿತ್ರತಂಡ ರಿವೀಲ್ ಮಾಡಿದೆ, ಪಾತ್ರಕ್ಕಾಗಿ ಗಣೇಶ್ ಸಂಪೂರ್ಣ ಬದಲಾಗಿದ್ದಾರೆ, ನನಗೆ ಪಾತ್ರ ಸಂಪೂರ್ಣ ಇಷ್ಟವಾಯಿತು, ನಾನು ಸಂಪೂರ್ಣ ಬದಲಾಗಲು ಸಹಾಯವಾಯಿತು.
ಗಣೇಶ್ 25 ದಿನಗಳ ಶೂಟಿಂಗ್ ನಲ್ಲಿ ಭಾಗವಹಿಸಿದ್ದರು. ನಂತರ ಹೆಚ್ಚುವರಿಯಾಗಿ 20 ದಿನಗಳ ಸಮಯ ನೀಡಿದ್ದಾರೆ. ಚಿತ್ರದ ಪಾತ್ರದಲ್ಲಿ ನಾನು ನಾನಾಗಿದ್ದೇನೆ, ಸ್ವಾಭಾವಿಕವಾಗಿರುವಂತೆ ನೋಡಿಕೊಂಡಿದ್ದೇವೆ, ಎಷ್ಟು ಸಾಧ್ಯವೋ ಅಷ್ಟು ನೈಜವಾಗಿ ಪಾತ್ರ ಮೂಡಿ ಬರುವಂತೆ ಪ್ರಯತ್ನಿಸಿದ್ದೇನೆ ಎಂದು ಗಣೇಶ್ ಹೇಳಿದ್ದಾರೆ.
20 ದಿನಗಳಲ್ಲಿ 3 ಕೆಜಿ ತೂಕ ಹೆಚ್ಚಿಸಿಕೊಂಡಿದ್ದಾರೆ, ಜೊತೆಗೆ ಗಡ್ಡ ಕೂಡ ಬೆಳೆಸಬೇಕಿತ್ತು, 99 ಚಿತ್ರದ ಚಿತ್ರೀಕರಣದಲ್ಲಿ ಆರಂಭವಾದ ಕೂಡಲೇ ನಾನು ಎಲ್ಲಾ ವರ್ಕೌಟ್ ಗಳನ್ನು ಬಿಟ್ಟಿದ್ದೇನೆ, ನಾನು ಸೆಟ್ ಗೆ ಹೋದಾಗ 4 ಕೆಜಿ ತೂಕ ಹೆಚ್ಚಾಗಿತ್ತು, ಈಗ ಗೀತಾ ಚಿತ್ರೀಕರಣಕ್ಕಾಗಿ, ಮತ್ತದೆ ಹಳೇಯ ಶೇಪ್ ಗೆ ಬರಲು ಕಠಿಣ ವ್ಯಾಯಾಮ ಮಾಡುತ್ತಿದ್ದಾರೆ.