ಚೇತನ್ ಕುಮಾರ್ ನಿರ್ದೇಶನದಲ್ಲಿ ಶ್ರೀಮುರಳಿ ಮುಖ್ಯ ಪಾತ್ರದಲ್ಲಿರುವ ಆಕ್ಷನ್ ಫ್ಯಾಮಿಲಿ ಎಂಟರ್‌ಟೈನರ್‌ "ಭರಾಟೆ" ಚಿತ್ರದ ಎರಡು ಹಾಡಿನ ಚಿತ್ರೀಕರಣಕ್ಕಾಗಿ ಚಿತ್ರತಂಡ ಸ್ವಿಡ್ಜರ್ಲೆಂಡ್‌ಗೆ ತೆರಳಲಿದೆ.
ಇದಾಗಲೇ ಚಿತ್ರದ ಸಂಬಾಷಣೆ ಭಾಗದ ಚಿತ್ರೀಕರಣ ಮುಗಿದಿದ್ದು ಆಗಸ್ಟ್ 2 ರಿಂದ ಸ್ವಿಡ್ಜರ್ಲೆಂಡ್‌ನಲ್ಲಿ ಎರಡು ಹಾಡುಗಳ ಚಿತ್ರೀಕರಣ ನಡೆಯಲಿದೆ.
ಈ ಹಾಡಿಗಾಗಿ ನೃತ್ಯ ನಿರ್ದೇಶಕ ಎ ಹರ್ಷ ನೃತ್ಯ ಸಂಯೋಜನೆ ಮಾಡಲಿದ್ದಾರೆ.ಸುಪ್ರೀತ್ ನಿರ್ಮಾಣದ "ಭರಾಟೆ" ನಲ್ಲಿ ಶ್ರೀಮುರಳಿಗೆ ಶ್ರೀಲೀಲಾ ಜೊಡಿಯಾಗಲಿದ್ದಾರೆ. ಚಿತ್ರತಂಡ ಈ ಚಿತ್ರವನ್ನು ಸೆಪ್ಟೆಂಬರ್ 27ಕ್ಕೆ ದೇಶಾದ್ಯಂತ ತೆರೆಗೆ ತರಲು ಯೋಜನೆ ನಡೆಸಿದೆ.