ಯೋಗಾನಂದ ಮುದ್ದಣ್ಣ ನಿರ್ದೇಶನದ, ವಿಶ್ವ ಪ್ರಸಾದ್ ಟಿ ಜಿ ನಿರ್ಮಾಣದಲ್ಲಿ ಮೂಡಿಬಂದಿರುವ ‘ಅಧ್ಯಕ್ಷ ಇನ್ ಅಮೆರಿಕಾ’ ಚಿತ್ರದ ಟೀಸರ್ ಬಿಡುಗಡೆಯಾಗಿದೆ
ಹಾಸ್ಯನಟ ಶರಣ್, ತುಪ್ಪದ ಬೆಡಗಿ ರಾಗಿಣಿ ದ್ವಿವೇದಿ ಜೋಡಿಯಾಗಿ ನಟಿಸಿರುವ ಕಾಮಿಡಿ ಕಥಾ ಹಂದರದ ಚಿತ್ರ ಟೀಸರ್ ಮೂಲಕ ಹಾಸ್ಯ ರಸಾಯನದ ಸವಿರುಚಿಯನ್ನು ತೋರಿಸಿದ್ದಾರೆ ಚಿತ್ರ ಬಿಡುಗಡೆಯ ನಂತರ ಸುಗ್ರಾಸ ಭೋಜನದೊಂದಿಗೆ ಅಧ್ಯಕ್ಷನನ್ನು ತೆರೆಯ ಮೇಲೆ ಇನ್ನೊಮ್ಮೆ ನೋಡಿ ನಲಿಯಬಹುದಾಗಿದೆ
“ಈ ಹಿಂದೆ ‘ಅಧ್ಯಕ್ಷ’ ಚಿತ್ರದ ಮೂಲಕ ಮೊದಲ ಬಾರಿಗೆ ನಾಯಕ ನಟನಾಗಿ ಕಾಣಿಸಿಕೊಂಡ ಶರಣ್, ಅಧ್ಯಕ್ಷ ಎಂದೇ ಜನಪ್ರಿಯರಾಗಿರುವ ಹಿನ್ನೆಲೆಯಲ್ಲಿ, ಈ ಚಿತ್ರಕ್ಕೆ ‘ಅಧ್ಯಕ್ಷ ಇನ್ ಅಮೆರಿಕ’ ಎಂದು ಹೆಸರಿಡಲಾಗಿದೆಯೇ ಹೊರತು ಎರಡು ಚಿತ್ರಗಳಿಗೂ ಯಾವುದೇ ಹೋಲಿಕೆಯಿಲ್ಲ” ಎಂದು ನಿರ್ದೇಶಕ ಯೋಗಾನಂದ ಸುದ್ದಿಗೋಷ್ಠಿಗೆ ತಿಳಿಸಿದರು