ಚಿತ್ರರಂಗಕ್ಕೆ ಸದಾ ಹೊಸ ನಾಯಕ ನಟಿಯರನ್ನು ಕರೆತರುವ ನಿರ್ದೇಶಕ ಮಹೇಶ್ ಬಾಬು ಈಗ ಮತ್ತೊಬ್ಬ ನಾಯಕ ನಟಿಯನ್ನು ಪರಿಚಯಿಸಲು ಸಿದ್ಧತೆ ನಡೆಸಿದ್ದಾರೆ.
ಐಂದ್ರಿತಾ ರೇ, ಕೃತಿ ಕರಬಂದ, ಆಶಿಕಾ ರಂಗನಾಥ್ ಅವರನ್ನು ಈಗಾಗಲೇ ಸ್ಯಾಂಡಲ್ ವುಡ್ ಗೆ ಪರಿಚಯಿಸಿರುವ ನಿರ್ದೇಶಕ ಮಹೇಶ್ ಬಾಬು, ಈಗ ಕೃತಿಕಾ ಅವರನ್ನು ತಮ್ಮ ಮುಂದಿನ ಸಿನಿಮಾದ ಮೂಲಕ ಸ್ಯಾಂಡಲ್ ವುಡ್ ಗೆ ಪರಿಚಯಿಸಲು ಮಹೇಶ್ ಬಾಬು ಸಿದ್ಧಗೊಂಡಿದ್ದಾರೆ.
ಹೊಸ ನಾಯಕ ನಟ ಸುಘೋಷ್ ಗೆ ಜೋಡಿಯಾಗಿ ಕೃತಿಕಾ ನಟಿಸಲಿದ್ದಾರೆ. ಸುಘೋಷ್ ಅವರನ್ನೂ ಮಹೇಶ್ ಸ್ಯಾಂಡಲ್ ವುಡ್ ಗೆ ಪರಿಚಯಿಸುತ್ತಿದ್ದಾರೆ. ಹೊಸ ಚಿತ್ರಕ್ಕೆ ಇನ್ನಷ್ಟೇ ಶೀರ್ಷಿಕೆ ನೀಡಬೇಕಿದೆ.
ಸ್ಯಾಂಡಲ್ ವುಡ್ ಗೆ ಎಂಟ್ರಿ ನೀಡುತ್ತಿರುವ ಕೃತಿಕಾ ಹಲವು ನೃತ್ಯ ಪ್ರಕಾರಗಳನ್ನು ಕಲಿತಿದ್ದಾರೆ. ಕೃತಿಕಾ ಅವರ ಸಂಬಂಧಿ ಅಮ್ಮಾನಿ ತೆಲುಗು ಸಿನಿಮಾ ಇಂಡಸ್ಟ್ರಿಯಲ್ಲಿ ಖ್ಯಾತ ನಟಿಯಾಗಿದ್ದು ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ.