ಬೆಂಗಳೂರು: ಪುದುಚೇರಿಯಲ್ಲಿ ಚಿತ್ರೀಕರಣ ಮುಗಿಸಿ ವಾಪಾಸ್ಸಾಗಿರುವ ರಾಬರ್ಟ್ ಚಿತ್ರ ತಂಡ ಸದ್ದಿಲ್ಲದೆ ಬೆಂಗಳೂರಿನಲ್ಲಿ  ಚಿತ್ರೀಕರಣ ಮಾಡುತ್ತಿದೆ. ತರುಣ್ ಸುದೀರ್ ನಿರ್ದೇಶನ,  ದರ್ಶನ್  ನಾಯಕತ್ವದ ಈ ಚಿತ್ರ ಅಕ್ಷಯ ತೃತೀಯ ದಿನದಿಂದ ಚಿತ್ರೀಕರಣ ಸಾಗುತ್ತಿದ್ದು, ಸ್ಯಾಂಡಲ್ ವುಡ್ ನಲ್ಲಿ ಸಾಕಷ್ಟು ಹೈಪ್ ಕ್ರಿಯೇಟ್ ಮಾಡಿದೆ.

ತೆಲುಗಿನ ಜಗಪತಿ ಬಾಬು ಈ ಚಿತ್ರದಲ್ಲಿ ನಟಿಸುವುದನ್ನು ಖಚಿತಪಡಿಸಿರುವ ನಿರ್ದೇಶಕರು , ಬೇರೆ ಕಲಾವಿದರ ಬಗ್ಗೆ ಗುಟ್ಟು ಬಿಟ್ಟುಕೊಟ್ಟಿಲ್ಲ. ಸೆಟ್ ನಲ್ಲಿ ಮೊಬೈಲ್ ಪೋನ್ ಬಳಕೆಗೆ ನಿರ್ಬಂಧ  ವಿಧಿಸಲಾಗಿದ್ದು, ಬೇರೆ ಎಲ್ಲೂ ಮಾಹಿತಿ ಬಿಟ್ಟುಕೊಡದಂತೆ  ಸೆಟ್ ನಲ್ಲಿ ಇರುವವರ ಜೊತೆಗೆ  ಸಹಿ ಹಾಕಿಸಿಕೊಳ್ಳಲಾಗಿದೆ.

2020ಕ್ಕೆ ರಾಬರ್ಟ್  ಚಿತ್ರ ಬಿಡುಗಡೆಗೆ  ಯೋಜಿಸಲಾಗಿದೆ. ದರ್ಶನ್ ಅಭಿನಯದ ಎರಡು ಚಿತ್ರಗಳು ಈ ವರ್ಷ ಬಿಡುಗಡೆಯಾಗುತ್ತಿವೆ. ಹಲವು ಬಾರಿ ಚಿಂತಿಸಿದ ನಂತರ ಚಿತ್ರದ ಬಗ್ಗೆ ಎಲ್ಲೂ ಮಾಹಿತಿ ಬಿಟ್ಟುಕೊಡದಂತೆ ತಂಡ ನಿರ್ಧರಿಸಿದೆ ಎಂದು ತರುಣ್ ಸುಧೀರ್ ಹೇಳಿದ್ದಾರೆ.