ಬೆಂಗಳೂರು: 'ಕಳ್ಳೇಕಾಯ್.. . . .ಕಳ್ಳೇಕಾಯ್’ ಡೈಲಾಗ್ ಮೂಲಕ ಕನ್ನಡ ಪ್ರೇಕ್ಷಕರ ಮನಸೆಳೆದು, ಶುಕ್ರವಾರ ಬಿಡುಗಡೆಯಾಗುತ್ತಿರುವ ’ಕಾಳಿದಾಸ ಕನ್ನಡ ಮೇಷ್ಟ್ರು’ ವರೆಗೆ ವಿಭಿನ್ನ ಪಾತ್ರಗಳಲ್ಲಿ ಅಭಿನಯಿಸಿರುವ ನವರಸನಾಯಕ ಜಗ್ಗೇಶ್ ೩೮ ವರ್ಷಗಳ ಸಿನಿಜರ್ನಿ ಮುಗಿಸಿದ್ದಾರೆ.
ಸಣ್ಣಪುಟ್ಟ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತ, ತಮ್ಮ ವಿಶಿಷ್ಟ ಹಾವಭಾವ, ಸಂಭಾಷಣಾ ವೈಖರಿಯಿಂದಲೇ ಗಮನ ಸೆಳೆದು ನಾಯಕನ ಪಟ್ಟಕ್ಕೇರಿದ ಜಗ್ಗೇಶ್, ಕಳೆದ ೩ ದಶಕಗಳಲ್ಲಿ ಚಂದನವನದಲ್ಲಿ ಎಂದಿಗೂ ಮರೆಯಲಾರದಂತಹ ಅನುಭವಗಳನ್ನು, ಅಭಿಮಾನಿಗಳ ಮಮತೆಯನ್ನು ಪಡೆದುಕೊಂಡಿದ್ದೇನೆ ಎಂದು ಹೇಳಿದ್ದಾರೆ.
ಸ್ಯಾಂಡಲ್ ವುಡ್ನಲ್ಲಿ ೩೮ ವರ್ಷ ಪೂರೈಸಿರುವ ಜಗ್ಗೇಶ್ ಅವರಿಗೆ ಕನ್ನಡ ಚಿತ್ರರಂಗದ ಬಹುತೇಕ ಕಲಾವಿದರು, ಅಭಿಮಾನಿಗಳು ಶುಭ ಕೋರಿದ್ದಾರೆ.