ಆ ದಿನಗಳು ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟು ಪ್ರಸಿದ್ದ ರಿಯಾಲಿಟಿ ಶೋ ತೆಲುಗಿನ ಬಿಗ್ ಬಾಸ್ ಮೊದಲ ಸೀಸನ್ ಸ್ಪರ್ಧಿಯಾಗಿ ಮನೆಮಾತಾಗಿದ್ದ ನಟಿ ಅರ್ಚನಾ ವೇದಾ ಇದೀಗ ಗೆಳೆಯನೊಡನೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ನಾಲ್ಕು ವರ್ಷಗಳಿಂದ ಚಿತ್ರರಂಗದಿಂದ ದೂರುವಿದ್ದ ನಟಿ ಸದ್ದಿಲ್ಲದೆ ಎಂಗೇಜ್ ಮೆಂಟ್ ಮಾಡಿಕೊಂಡಿದ್ದು ಅಭಿಮಾನಿಗಳಿಗೆ ಸರ್ಪ್ರೈಸ್ ನೀಡಿದ್ದಾರೆ.
ಅರ್ಚನಾ ವೇದಾ ಅವರ ನಿಜವಾದ ಹೆಸರು ಅರ್ಚನಾ ಶಾಸ್ತ್ರಿ. ಇವರು ಜಗದೀಶ್ ಎಂಬುವವರನ್ನು ಬಹುಕಾಲದಿಂದ ಪ್ರೀತಿಸುತ್ತಿದ್ದರು.ಹೆಲ್ತ್ ಕೇರ್ ಕಂಪನಿಯೊಂದರ ಉಪಾಧ್ಯಕ್ಷರಾಗಿರುವ ಜಗದೀಶ್ ಅವರೊಡನೆ ಹೈದರಾಬಾದಿನ ರಾಡಿಸನ್ ಹೋಟೆಲಿನಲ್ಲಿ ಅದ್ದೂರಿಯಾಗಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ಇವರ ವಿವಾಹಕ್ಕೆ ಎರಡೂ ಕುಟುಂಬಗಳ ಸಮ್ಮತಿ ಇದೆ.ತಮ್ಮ ಫೇಸ್ಬುಕ್ ಖಾತೆಯಲ್ಲಿ ನಿಶ್ಚಿತಾರ್ಥದ ಫೋಟೋ ಹಂಚಿಕೊಂಡಿರುವ ನಟಿ ಮದುವೆ ದಿನಾಂಕವನ್ನು ಮಾತ್ರ ಇನ್ನೂ ಬಹಿರಂಗಪಡಿಸಿಲ್ಲ.
"ಆ ದಿನಗಳು" ಮಾತ್ರವಲ್ಲದೆ ಪುನೀತ್ ಅಭಿನಯದ "ಮೈತ್ರಿ" ಚಿತ್ರದಲ್ಲಿ ಸಹ ಮೋಹನ್ ಲಾಲ್ ಅವರ ಪತ್ನಿಯಾಗಿ ಇದೇ ಅರ್ಚನಾ ವೇದ ಅಭಿನಯಿಸಿದ್ದರು.ಅಲ್ಲದೆ ‘ಮಿಂಚು’ ಮತ್ತು ‘ಮೇಘ ವರ್ಷಿಣಿ’ ಸಿನಿಮಾದಲ್ಲಿ ಸಹ ಅರ್ಚನಾ ಪಾತ್ರವಹಿಸಿದ್ದರು. ಟಾಲಿವುಡ್ನಲ್ಲಿ ನುವ್ವೋಸ್ತಾನಂಟೆ ನೇನೊದ್ದಂಟಾನ ಸಿನಿಮಾದಲ್ಲಿ ಸಿದ್ಧಾರ್ಥ್ ಜತೆ ಕಾಣಿಸಿಕೊಂಡ ನಟಿ ತೆಲುಗು ಬಿಗ್ ಬಾಸ್ ಸೀಸನ್ 1ರಲ್ಲಿ ಅರ್ಚನಾ ಸ್ಪರ್ಧಿಯಾಗಿದ್ದರು.