ಇತ್ತೀಚೆಗೆ ತೆರೆಕಂಡ ‘ಪೈಲ್ವಾನ್’ ಸಿನಿಮಾ ಪೈರಸಿಗೆ ತುತ್ತಾದ ಬಳಿಕ ಮುಂಬರುವ ಚಿತ್ರಗಳು ತೀವ್ರ ಎಚ್ಚರಿಕೆ ವಹಿಸುವುದು ಅನಿವಾರ್ಯವಾಗಿದೆ.

ಹೀಗಾಗಿ ಸೆ.27ರಂದು ಗಣೇಶ್ ನಾಯಕತ್ವದ ‘ಗೀತಾ’ ಸಿನಿಮಾ ರಾಜ್ಯಾದ್ಯಂತ ಅಂದಾಜು 250 ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗುತ್ತಿದೆ. ಪೈರಸಿ ಹಾವಳಿಯಿಂದ ಚಿತ್ರವನ್ನು ಉಳಿಸಲು ನಿರ್ವಪಕ ಸೈಯದ್ ಸಲಾಂ ಈಗಲೇ ಅನೇಕ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳುತ್ತಿದ್ದಾರೆ.

ಪೈರಸಿ ನಿಗ್ರಹಕ್ಕಾಗಿ ಒಂದು ಖಾಸಗಿ ಕಂಪನಿ ಜತೆ ಅವರು ಕೈ ಜೋಡಿಸಿದ್ದಾರೆ. ಚಿತ್ರದ ನಕಲು ಪ್ರತಿಗಳನ್ನು ಇಂಟರ್​ನೆಟ್​ನಲ್ಲಿ ಯಾರೇ ಅಪ್​ಲೋಡ್ ಮಾಡಿದರೂ ಅದನ್ನು ಕೂಡಲೇ ಡಿಲೀಟ್ ಮಾಡಿಸುವ ಹೊಣೆಯನ್ನು ಈ ಕಂಪನಿ ಹೊತ್ತುಕೊಂಡಿದೆಯಂತೆ. ಮಾತ್ರವಲ್ಲದೆ, ಮುಂಚಿತವಾಗಿ ಸೈಬರ್ ಕ್ರೈಂ ಪೊಲೀಸರಿಗೆ ದೂರು ಮತ್ತು ಮನವಿಯನ್ನೂ ಸಲ್ಲಿಸಲಾಗಿದೆ.