ಧನಂಜಯ್ ಮತ್ತು ರಚಿತಾ ರಾಮ್ ಅಭಿನಯದ ಮುಂಬರುವ ಚಿತ್ರದ ಫಸ್ಟ್ ಲುಕ್ ಮತ್ತು ಶೀರ್ಷಿಕೆ ಧನಂಜಯ್ ಅವರ ಹುಟ್ಟುಹಬ್ಬ ದಿನವಾದ ಆಗಸ್ಟ್ 23ರಂದು ಬಿಡುಗಡೆಯಾಗಲಿದೆ.
ಫಸ್ಟ್ ಲುಕ್ ಗೆ ಫೋಟೋ ಶೂಟ್ ಬ್ಯುಸಿಯಲ್ಲಿದೆ ಸದ್ಯ ಚಿತ್ರತಂಡ. ನಿರ್ದೇಶಕ ಎಸ್ ರವೀಂದ್ರನಾಥ್ ಜೊತೆ ರಚಿತಾ ರಾಮ್ ಈ ಹಿಂದೆ ಕೆಲಸ ಮಾಡಿದ್ದರೆ ಧನಂಜಯ್ ಅವರಿಗೆ ಈ ನಿರ್ದೇಶಕರ ಜೊತೆ ಮೊದಲ ಚಿತ್ರ. ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ನಲ್ಲಿ ಶೂಟಿಂಗ್ ಆರಂಭವಾಗುವ ನಿರೀಕ್ಷೆಯಿದೆ.
ಈ ಮಧ್ಯೆ ರಚಿತಾ ಮತ್ತು ಧನಂಜಯ್ ಡಾಲಿ ಎಂಬ ಪ್ರಭು ಶ್ರೀನಿವಾಸ್ ಚಿತ್ರದಲ್ಲಿ ಸಹ ಒಟ್ಟಾಗಿ ಅಭಿನಯಿಸುತ್ತಿದ್ದಾರೆ. ಯೋಗೇಶ್ ನಾರಾಯಣ್ ಇದರ ನಿರ್ಮಾಪಕರು.
ರಚಿತಾ ಅವರ 100 ಮತ್ತು ಏಕ್ ಲವ್ ಯಾ ಚಿತ್ರಗಳು ಬಿಡುಗಡೆಗೆ ಸಜ್ಜಾಗಿವೆ. ತೆಲುಗು ಚಿತ್ರ ಸೂಪರ್ ಮಚಿಯ ಶೂಟಿಂಗ್ ಮುಗಿಸಿರುವ ರಚಿತಾ ಏಪ್ರಿಲ್, ಲಿಲ್ಲಿ ಮತ್ತು ವೀರಂ ಶೂಟಿಂಗ್ ಗಾಗಿ ಕಾಯುತ್ತಿದ್ದಾರೆ.
ಯುವರತ್ನ ಮತ್ತು ಪೊಗರು ಚಿತ್ರಗಳ ಬಿಡುಗಡೆಗೆ ಕಾಯುತ್ತಿರುವ ಧನಂಜಯ್ ಬಡವ ರಾಸ್ಕಲ್ ಶೂಟಿಂಗ್ ಮುಗಿಸಿದ್ದಾರೆ. ಇನ್ನು ಎಂ ಪಿ ಜಯರಾಜ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವ ಧನಂಜಯ್ ಅವರ ಚಿತ್ರದ ಶೀರ್ಷಿಕೆಯನ್ನು ನಾಳೆ ಪುನೀತ್ ರಾಜ್ ಕುಮಾರ್ ಬಿಡುಗಡೆ ಮಾಡಲಿದ್ದಾರೆ.