ಶಾನ್ವಿ ಶ್ರೀವಾಸ್ತವ್ ನಟನೆಯ ಕಸ್ತೂರಿ ಮಹಲ್ ಸಿನಿಮಾ ಟೀಸರ್ ಹೊಸ ವರ್ಷದಂದು ರಿಲೀಸ್ ಆಗಲಿದೆ. 

ದಿನೇಶ್ ಬಾಬು ನಿರ್ದೇಶನದ 50ನೇ ಸಿನಿಮಾ ಇದಾಗಿದ್ದು ಜನವರಿ 1 ನೇ ತಾರಿಖು ಮಧ್ಯರಾತ್ರಿಯಲ್ಲಿ ಟೀಸರ್ ಬಿಡುಗಡೆ ಆಗಲಿದೆ. ಥ್ರಿಲ್ಲರ್ ಕಥೆ ಹೊಂದಿರುವ ಕಸ್ತೂರಿ ಮಹಲ್ ಶೂಟಿಂಗ್ ಪೂರ್ಣಗೊಂಡಿದೆ.

ರುಬಿನಾ ರಾ ಮತ್ತು ರವೀಶ್ ಆರ್ ಸಿ ನಿರ್ಮಾಣ ಮಾಡುತ್ತಿರುವ ಕಸ್ತೂರಿ ಮಹಲ್  ಸಿನಿಮಾ ದಸರಾ ಸಂದರ್ಭದಲ್ಲಿ ಆರಂಭವಾಯಿತು. ಚಿಕ್ಕಮಗಳೂರಿನಲ್ಲಿ 20 ದಿನಗಳ ಕಾಲ ಚಿತ್ರೀಕರಣ ಮಾಡಿದೆ.

ಅಮೃತ ವರ್ಷಿಣಿ ಸಿನಿಮಾ ನಿರ್ದೇಶಕ ದಿನೇಶ್ ಬಾಬು ತಮ್ಮ  ವಯಕ್ತಿಕ ಅನುಭವಗಳ ಜೊತೆಗೆ ಕಥೆ ಹೆಣೆದಿದ್ದಾರೆ. ಸಿನಿಮಾದಲ್ಲಿ ಶೃತಿ ಪ್ರಕಾಶ್, ಸ್ಕಂದ ಮತ್ತು ಹಿರಿಯ ನಟ ರಂಗಾಯಣ ರಘು ಮುಂತಾದವರು ನಟಿಸಿದ್ದಾರೆ.