ನವದೆಹಲಿ: ನಾನು 'ಲಡಾಕು'ವಿನಂತೆ (ಜಗಳಗಂಟಿ ಅಥವಾ ಕಲಹಪ್ರಿಯೆ) ಕಾಣಿಸಿಕೊಳ್ಳಬಹುದು ಆದರೆ ಅದು ನಿಜವಲ್ಲ ಎಂದು ಹೇಳಿದ್ದಾರೆ. ನಾನು ಜಗಳಗಂಟಿ ಎಂಬುದನ್ನು ಸಾಬೀತು ಪಡಿಸಿದರೆ ಟ್ವಿಟರ್ ತೊರೆಯುತ್ತೇನೆ ಎಂದು ಕಂಗನಾ ಹೇಳಿದ್ದಾರೆ.
ಕಳೆದ ಕೆಲವು ವಾರಗಳಿಂದ ಶಿವಸೇನಾ ಸಂಸದ ಸಂಜಯ್ ರಾವುತ್ ಮತ್ತು ಹಲವಾರು ಬಾಲಿವುಡ್ ನಟ-ನಟಿಯರೊಂದಿಗಿನ ಜಗಳದಿಂದಾಗಿ ಮುನ್ನೆಲೆಗೆ ಬಂದಿರುವ ನಟಿ ಕಂಗನಾ, ತಮ್ಮ ಬಗ್ಗೆ ಟ್ವಿಟರ್ ಮೂಲಕವೇ ಸ್ಪಷ್ಟನೆ ನೀಡಿದ್ದಾರೆ.
'ನಾನು ತುಂಬಾ ಜಗಳ ಮಾಡುವ ವ್ಯಕ್ತಿಯಾಗಿ ಕಾಣಿಸಬಹುದು ಆದರೆ ಅದು ನಿಜವಲ್ಲ, ನಾನೆಂದಿಗೂ ಜಗಳವನ್ನು ಪ್ರಾರಂಭಿಸದ ದಾಖಲೆ ನನ್ನ ಬಳಿಯಿದೆ. ಯಾರಾದರೂ ನಾನು ಕಲಹಪ್ರಿಯೆ ಎಂಬುದನ್ನು ಸಾಬೀತುಪಡಿಸಿದ್ದೇ ಆದಲ್ಲಿ ನಾನು ಟ್ವಿಟರ್‌ನಿಂದ ಹೊರನಡೆಯುತ್ತೇನೆ' ಎಂದು ಟ್ವೀಟ್ ಮಾಡಿದ್ದಾರೆ.
'ಯಾರಾದರೂ ಸಾಬೀತುಪಡಿಸಿದರೆ ನಾನು ಟ್ವಿಟರ್ ತೊರೆಯುತ್ತೇನೆ. ನಾನೆಂದಿಗೂ ಹೋರಾಟವನ್ನು ಪ್ರಾರಂಭಿಸುವುದಿಲ್ಲ. ಆದರೆ, ಪ್ರತಿ ಹೋರಾಟವನ್ನು ನಾನು ಮುಗಿಸುತ್ತೇನೆ. ಭಗವಾನ್ ಕೃಷ್ಣ, ಯಾರಾದರೂ ನಿಮ್ಮನ್ನು ಹೋರಾಡುವಂತೆ ಕೇಳಿದಾಗ ನೀವು ಅವರನ್ನು ನಿರಾಕರಿಸಬಾರದು ಎಂದು ಹೇಳಿದ್ದಾರೆ'.