ಮಾಸ್ಕೋ: ಬಾಹ್ಯಾಕಾಶ ಹಿನ್ನಲೆಯನ್ನು ಆಧರಿಸಿ ಹಲವು ಸಿನಿಮಾಗಳು ಬಂದಿವೆ. ಆದರೆ, ಬಾಹ್ಯಾಕಾಶದಲ್ಲಿಯೇ ಸಿನಿಮಾದ ಚಿತ್ರೀಕರಣ  ನಡೆದರೆ..!

ಇದು ಸಾಧ್ಯವೇ? ಎಂಬ ಅನುಮಾನ ಬರುವುದು ಸಹಜ. ಆದರೆ ಇದು ಸಾಧ್ಯವಾಗಲಿದೆ. ರಷ್ಯಾದ ಬಾಹ್ಯಾಕಾಶ ಸಂಸ್ಥೆ ರೋಸ್ಕೋಸ್ಮೋಸ್ ಸದ್ಯದಲ್ಲಿಯೇ ಬಾಹ್ಯಾಕಾಶದಲ್ಲಿ ಚಿತ್ರೀಕರಣ ನಡೆಸುವುದಾಗಿ ಘೋಷಿಸಿದೆ. 'ಚಾಲೆಂಜ್' ಹೆಸರಿನ ಬಾಹ್ಯಾಕಾಶ ಸಿನಿಮಾ ತೆಗೆಯಲಿದ್ದೇವೆ. 

ಈ ಸಿನಿಮಾದ ಚಿತ್ರೀಕರಣ ಬಾಹ್ಯಾಕಾಶದಲ್ಲಿ ನಡೆಸಲಾಗುವುದು ಎಂದು ಸಂಸ್ಥೆ ತಿಳಿಸಿದೆ. ರಷ್ಯನ್‌ ನಟಿ ಯೂಲಿಯಾ ಪೆರೆಸಿಲ್ಡ್ (36) ಪ್ರಧಾನ ಪಾತ್ರದಲ್ಲಿ, ಕ್ಲಿಮ್ ಶಿಫೆಂಕೊ (37) ನಿರ್ದೇಶನದಲ್ಲಿ  'ಚಾಲೆಂಜ್' ಚಿತ್ರ ತೆರೆಯ ಮೇಲೆ ಬರಲಿದೆ. 

ನಟ ನಟ ಟಾಮ್ ಕ್ರೂಸ್ ಹಾಗೂ ನಾಸಾ ತಮ್ಮದೇ ಸಹಭಾಗಿತ್ವದಲ್ಲಿ ಬಾಹ್ಯಾಕಾಶ ನಿಲ್ದಾಣದಲ್ಲಿ ಸಿನಿಮಾ ಮಾಡುವುದಾಗಿ ಘೋಷಣೆ ಮಾಡಿದ ಬೆನ್ನಲ್ಲೇ ರಷ್ಯಾದ ಬಾಹ್ಯಾಕಾಶ ಸಂಸ್ಥೆಯಿಂದ ನಡೆಯುತ್ತಿರುವ ಪ್ರಯತ್ನಗಳನ್ನು ಕಳೆದ ವರ್ಷವೇ ಚಿತ್ರ ತಂಡ ಬಹಿರಂಗಗೊಳಿಸಿತ್ತು.