ನ್ಯೂಯಾರ್ಕ್ ಭಾರತೀಯ ಚಲನಚಿತ್ರೋತ್ಸವದಲ್ಲಿ ಗಣೇಶ್ ಹೆಗ್ಡೆ ನಿರ್ದೇಶನದ 'ನೀಲಿ ಹಕ್ಕಿ' ಪ್ರದರ್ಶನ

ಬೆಂಗಳೂರು: ಜೂನ್ 4 ಮತ್ತು 13ರ ನಡುವೆ ನಡೆಯಲಿರುವ ಈ ವರ್ಷದ ನ್ಯೂಯಾರ್ಕ್ ಭಾರತೀಯ ಚಲನಚಿತ್ರೋತ್ಸವದಲ್ಲಿ  
ಗಣೇಶ್ ಹೆಗ್ಡೆ ಅವರ ಚೊಚ್ಚಲ ನಿರ್ದೇಶನದ 'ನೀಲಿ ಹಕ್ಕಿ' ಸೇರಿದಂತೆ ಕನ್ನಡದ ಮೂರು ಚಲನಚಿತ್ರಗಳು ವರ್ಚುಯಲ್ ನಲ್ಲಿ ಪ್ರದರ್ಶನ ಕಾಣಲಿವೆ.

ಒಂದು ಮೊಟ್ಟೆಯ ಕಥೆ, ಲೂಸಿಯಾ, ಗುಂಟು ಮೂಟೆಯಂತಹ ಕಮರ್ಷಿಯಲ್ ಸಿನಿಮಾಗಳೊಂದಿಗೆ ತಮ್ಮ ಚೊಚ್ಚಲ ನಿರ್ದೇಶನದ
'ನೀಲಿ ಹಕ್ಕಿ' ನ್ಯೂಯಾರ್ಕ್ ಭಾರತೀಯ ಚಲನಚಿತ್ರೋತ್ಸವದಲ್ಲಿ  ಪ್ರದರ್ಶನ ಕಾಣುತ್ತಿರುವುದು ದೊಡ್ಡ ಅವಕಾಶವಾಗಿದೆ
ಎಂದು ಗಣೇಶ್ ಹೇಳಿದ್ದಾರೆ.

ನಿರ್ದೇಶಕರು ಚೊಚ್ಚಲ 'ನೀಲಿ ಹಕ್ಕಿ' ಚಿತ್ರದಲ್ಲಿ ಚಿತ್ರದಲ್ಲಿ ಸರಳ ಹಾಗೂ ಪ್ರಾಮಾಣಿಕತೆಯ ಕಥೆ ಹೇಳುವ ಉದ್ದೇಶ ಹೊಂದಿದ್ದಾರೆ. ಈ ಚಿತ್ರವು 10 ವರ್ಷದ ಬಾಲಕನ ಜರ್ನಿಯನ್ನು ಗುರುತಿಸುತ್ತದೆ. ಆತನ ತನ್ನ ಹೆತ್ತವರ ದುರಾಶೆಯ ಮೇಲೆ ತನ್ನ ತನ್ನ ಮಾರ್ಗವನ್ನು ಆರಿಸಿಕೊಳ್ಳುತ್ತಾನೆ. ಜಾಗತೀಕರಣವೂ ಈ ಚಿತ್ರದ ಅತ್ಯಂತ ಸಣ್ಣ ಭಾಗವಾಗಿದೆ. ಇದು 10 ವರ್ಷದ ಬಾಲಕನ ದೂರದೃಷ್ಟಿಯಿಂದ ಹೈಲೆಟ್ ಆಗಿದೆ. ಇದು ಮಗುವಿಗೆ ಯಾವ ರೀತಿಯ ಸ್ವಾತಂತ್ರ್ಯ ಅಥವಾ ಹಕ್ಕುಗಳನ್ನು ನೀಡುತ್ತದೆ ಚರ್ಚಿಸುತ್ತದೆ ಎಂದು ಗಣೇಶ್ ಹೇಳಿದ್ದಾರೆ.

ಗೋಪಾಲ ಕೃಷ್ಣ ದೇಶಾಪಂಡೆಯೊಂದಿಗೆ ಅಮನ್ ಎಸ್ ಕರ್ಕೆರಾ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.ನಿಧಿ ಹೆಗ್ಡೆ ಮತ್ತು ನರೇಶ್ ಭಟ್ ಪೋಷಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಸಾಮಾಜಿಕ ಕಥಾ ಹಂದರ ಚಿತ್ರವಾಗಿದೆ. ಸಿನಿಮಾಟೋಗ್ರಾಫರ್ ವಿಶು ಸೇರಿದಂತೆ 30 ಮಂದಿ ನೀಲಿಹಕ್ಕಿ ಚಿತ್ರತಂಡದಲ್ಲಿದ್ದು, ಇಡೀ ಸಿನಿಮಾ ಶಿರಸಿ ಸುತ್ತಮುತ್ತ 25 ದಿನಗಳ ಕಾಲ ಚಿತ್ರೀಕರಣಗೊಂಡಿದೆ. ಗಗನ್ ಬಂಡೇರಿಯಾ ಸಂಗೀತ ಸಂಯೋಜಿಸಿದ್ದು, ಪ್ರಶಾಂತ್ ಅವರ ಸಂಕಲನವಿದೆ. 

ಸೆನ್ಸಾರ್ ಬೋರ್ಡ್ ನಿಂದ ಯು ಸರ್ಟಿಫಿಕೇಟ್ ಸಿಕ್ಕಿದ್ದು, ಇದೀಗ ನ್ಯೂಯಾರ್ಕ್ ಭಾರತೀಯ ಚಲನಚಿತ್ರೋತ್ಸವದಲ್ಲಿ  ಸಿನಿಮಾ
ಪ್ರದರ್ಶನ ಕಾಣಲಿದೆ. ನೀಲಿಹಕ್ಕಿಯನ್ನು ವೀಕ್ಷಿಸಿದ ನಟ ರಕ್ಷಿತ್ ಶೆಟ್ಟಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಥಿಯೇಟರ್ ನಲ್ಲಿ ಚಿತ್ರ ಬಿಡುಗಡೆಗೆ
ಸದ್ಯ ಸೂಕ್ತ ಸಂದರ್ಭದಲ್ಲಿ ಅಂತಹ ಸಂದರ್ಭ ಬಂದಾಗ ನಿರ್ಧರಿಸುತ್ತೇವೆ. ಕಲಾತ್ಮಕ ಸಿನಿಮಾವಾಗಿ ಬಂಧಿಸಲು ಇಷ್ಟಪಡುವುದಿಲ್ಲ, ಆದಾಗ್ಯೂ, ಒಟಿಟಿ ಯಲ್ಲಿ ಬಿಡುಗಡೆಯನ್ನು ತಳ್ಳಿ ಹಾಕುವಂತಿಲ್ಲ ಎಂದು ಗಣೇಶ್ ಹೇಳಿದರು.