'ಹರ ಹರ ಮಹಾದೇವ' ಧಾರಾವಾಹಿ ಮತ್ತು ರಕ್ಷಿತ್ ಶೆಟ್ಟಿ ಜೊತೆ '777 ಚಾರ್ಲಿ' ಚಿತ್ರದಲ್ಲಿ ನಟಿಸಿ ಖ್ಯಾತಿ ಗಳಿಸಿದ ನಟಿ ಸಂಗೀತ ಶೃಂಗೇರಿ, ನಂತರ 'ಬಿಗ್ ಬಾಸ್' ಕನ್ನಡದಲ್ಲಿ ಸಾಕಷ್ಟು ಸದ್ದು ಮಾಡಿದರು. ಸುದೀರ್ಘ ವಿರಾಮದ ನಂತರ ಇದೀಗ ಅವರು ತಮ್ಮ ಮೊದಲ ಹಾರರ್ ಚಿತ್ರಕ್ಕೆ ಸಹಿ ಹಾಕಿದ್ದಾರೆ. ಕನ್ನಡ ಮತ್ತು ತಮಿಳು ಭಾಷೆಗಳಲ್ಲಿ ತಯಾರಾಗಲಿರುವ ಮಹಿಳಾ ಕೇಂದ್ರಿತ ದ್ವಿಭಾಷಾ ಚಿತ್ರ ಇದಾಗಿದೆ.
'ಬಿಗ್ ಬಾಸ್ ನಂತರ ನಾನು ಸ್ವಲ್ಪ ವಿರಾಮ ತೆಗೆದುಕೊಂಡೆ ಮತ್ತು ನನ್ನ ಎರಡು ಚಿತ್ರಗಳು, ಮಾರಿ ಗೋಲ್ಡ್ ಮತ್ತು ಲಕ್ಕಿ ಮ್ಯಾನ್ ತೆರೆಗೆ ಬಂದವು. 777 ಚಾರ್ಲಿಯ ನಂತರ ನಾನು ಯಾವುದಕ್ಕೂ ಹೌದು ಎಂದು ಹೇಳಿರಲಿಲ್ಲ. ಏಕೆಂದರೆ, ನಾನು ಸಮರ್ಪಿತ ತಂಡದೊಂದಿಗೆ ಹೊಸತನಕ್ಕಾಗಿ ಕಾಯುತ್ತಿದ್ದೆ. ಇದು ನನಗೆ ವಿಶೇಷ ಎನಿಸಿತು' ಎಂದು ಸಂಗೀತಾ ಹೇಳುತ್ತಾರೆ.
ಇನ್ನೂ ಹೆಸರಿಡದ ಈ ಚಿತ್ರಕ್ಕೆ ಜಗನ್ ಅಲೋಶಿಯಸ್ ರಾಜು ಮೊದಲ ಬಾರಿಗೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಕನ್ನಡ ಅವತರಣಿಕೆಯಲ್ಲಿ ಸಂಗೀತಾ ಗಂಟು ಮೂಟೆ ಖ್ಯಾತಿಯ ನಟ ನಿಶ್ಚಿತ್ ಕೊರೋಡಿ ಜೊತೆಗೆ ನಟಿಸಲಿದ್ದಾರೆ. ತಮಿಳು ಆವೃತ್ತಿಯಲ್ಲಿ ದಿವಂಗತ ನಟ ನಾಗೇಶ್ ಅವರ ಮೊಮ್ಮಗ ಗಜೇಶ್ ಕಾಣಿಸಿಕೊಳ್ಳಲಿದ್ದಾರೆ.
ಈ ಚಿತ್ರಕ್ಕೆ ಎಟಿಎಂ ಮತ್ತು ರಂಗನಾಯಕಿ ಚಿತ್ರಗಳನ್ನು ನಿರ್ಮಿಸಿದ ಯೆಸ್ ವೀ ಎಂಟರ್‌ಟೈನ್‌ಮೆಂಟ್‌ನ ಎಸ್‌ವಿ ನಾರಾಯಣ ಬೆಂಬಲ ನೀಡಿದ್ದಾರೆ. ತಂಡವು ಈಗಾಗಲೇ ಪ್ರೀ-ಶೂಟ್ ಕೆಲಸವನ್ನು ಪ್ರಾರಂಭಿಸಿದೆ. '45-50 ದಿನಗಳ ವೇಳಾಪಟ್ಟಿಯಲ್ಲಿ ಒಂದೇ ಬಾರಿಗೆ ಯೋಜನೆಯ ಚಿತ್ರೀಕರಣ ಪೂರ್ಣಗೊಳಿಸುವುದು ಯೋಜನೆಯಾಗಿದೆ' ಎಂದು ನಟ ಹಂಚಿಕೊಳ್ಳುತ್ತಾರೆ.