ಟಿವಿ ನಟಿ ಜೆನ್ನಿಫರ್ ವಿಂಗತ್ ಎರಡನೇ ಮದುವೆಯಾಗಿದ್ದು,ಸಿಂಗಾಪುರದ ಬ್ಯುಸಿನೆಸ್ಮ್ಯಾನ್ ವಿಲಿಯಂ ಇಸ್ಮಾಯಿಲ್ ಅವರ ಕೈಹಿಡಿದಿದ್ದಾರೆ. ವಿಂಗತ್ ಬೇಹದ್ ಮತ್ತು 'ಸರಸ್ವತಿಚಂದ್ರ'ದಂತಹ ಧಾರವಾಹಿಗಳ ಮೂಲಕ ಅವರು ಜನಪ್ರಿಯರಾಗಿದ್ದರು. ಈ ಸೀರಿಯಲ್ ಮನೆ ಮಾತಾಯಿತು. ಶನಿವಾರ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವೀಡಿಯೊ ಪೋಸ್ಟ್ ಮೂಲಕ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.
ಈ ವೀಡಿಯೊದಲ್ಲಿ ಹಲವು ಫೋಟೋಗಳ ಸರಣಿಯಿದ್ದು, ವೀಡಿಯೊದ ಒಂದು ಸ್ಲೈಡ್ನಲ್ಲಿ, ಸಭಿಕರೇ, ದಯವಿಟ್ಟು ಎದ್ದು ನಿಲ್ಲಿ. ನನ್ನ ಪತಿ 'ವಿಲ್' ಅವರನ್ನು ಅಧಿಕೃತವಾಗಿ ನಿಮಗೆ ಪರಿಚಯಿಸುತ್ತಿದ್ದೇನೆ ಎಂದು ಬರೆಯಲಾಗಿದೆ. ಇದಾದ ನಂತರದ ಸ್ಲೈಡ್ನಲ್ಲಿ ಉಂಗುರಗಳ ಚಿತ್ರವಿದ್ದು, ಅದರ ಮೇಲೆ "ಜಸ್ಟ್ ಮ್ಯಾರೀಡ್" (ನೂತನ ದಂಪತಿ) ಎಂದು ಬರೆಯಲಾಗಿದೆ.
ವಿಂಗೆಟ್ ಬಿಳಿ ಬಣ್ಣದ 'ಆಫ್-ಶೋಲ್ಡರ್ ಕಾರ್ಸೆಟ್' ಉಡುಪನ್ನು ಧರಿಸಿದ್ದರೆ, ಇಸ್ಮಾಯಿಲ್ ನೀಲಿ ಬಣ್ಣದ ಸೂಟ್ ಮತ್ತು ಬಿಳಿ ವೇಸ್ಟ್ಕೋಟ್ (waistcoat)ಧರಿಸಿದ್ದರು. "ಅಂತಿಮವಾಗಿ ನಮ್ಮ ನಕ್ಷತ್ರಗಳು ಒಂದಾದವು! ಎಂದು ಪೋಸ್ಟ್ನ ಶೀರ್ಷಿಕೆಯಲ್ಲಿ ಬರೆಯಲಾಗಿದೆ.
ಜೆನಿಫರ್ ವಿಂಗೆಟ್ ಮೊದಲ ಪತಿ ಯಾರು? ಜೆನಿಫರ್ ವಿಂಗೆಟ್, 'ದಿಲ್ ಮಿಲ್ ಗಯೆ' ಸೀರಿಯಲ್ನ ಸಹನಟ ಕರಣ್ ಸಿಂಗ್ ಗ್ರೋವರ್ ಜೊತೆ ಮೊದಲ ಮದುವೆಯಾಗಿದ್ದರು. ಟಿವಿ ಶೋ ಸೆಟ್ನಲ್ಲಿ ಇಬ್ಬರಿಗೂ ಪ್ರೀತಿಯಾಗಿ, ಕೆಲವು ವರ್ಷಗಳ ಡೇಟಿಂಗ್ ನಂತರ ಮದುವೆಯಾಗಲು ನಿರ್ಧರಿಸಿದ್ದರು.
2012ರಲ್ಲಿ ಮದುವೆಯಾದ ಈ ಜೋಡಿ, ಹೆಚ್ಚು ದಿನ ಜೊತೆಗಿರಲಿಲ್ಲ. 2014ರಲ್ಲಿ ಇಬ್ಬರೂ ವಿಚ್ಛೇದನ ಪಡೆದರು. ವಿಚ್ಛೇದನದ ನಂತರ, ಕರಣ್ ಬಾಲಿವುಡ್ ನಟಿ ಬಿಪಾಶಾ ಬಸು ಅವರನ್ನು ಮದುವೆಯಾದರು. ಈ ದಂಪತಿಗೆ ದೇವಿ ಎಂಬ ಮಗಳಿದ್ದಾಳೆ.