ಬೆಂಗಳೂರು: ಐಪಿಎಲ್ ಸೀಸನ್ 9 ನಲ್ಲಿ ಹಲವು ವಿಶೇಷಗಳನ್ನು ಹೊತ್ತು ಬಂದಿದ್ದು, ಈ ಬಾರಿ ಆರ್ ಸಿಬಿ ಮಲ್ಯ ಹುಡುಗರು ಎರಡೆರಡು ಜೆರ್ಸಿಗಳನ್ನು ತೊಟ್ಟು ಕಣಕ್ಕಳಿಯಲಿದ್ದಾರೆ.

ಇಷ್ಟು ದಿನ ಫುಟ್‍ಬಾಲ್‍ನಲ್ಲಿದ್ದ ಎರಡೆರಡು ಜೆರ್ಸಿ ತೊಡುವ ಪದ್ಧತಿ ಈಗ ಭಾರತಕ್ಕೂ ಕಾಲಿಟ್ಟಿದ್ದು. ಇದೇ ಮೊದಲ ಬಾರಿಗೆ ಆರ್ ಸಿಬಿ ತಂಡ ಒಂದೇ ಟೂರ್ನಿಯಲ್ಲಿ ಎರಡೆರಡು ಬಗೆಯ ಜೆರ್ಸಿಗಳಲ್ಲಿ ಕಾಣಿಸಿಕೊಳ್ಳಲಿದೆ. ತವರಿನ ಅಂದರೆ ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆಡುವಾಗ ಒಂದು ಬಗೆಯ ಜೆರ್ಸಿಯನ್ನು ತೊಟ್ಟರೆ, ಬೇರೆ ಕ್ರೀಡಾಂಗಣದಲ್ಲಿ ಅಂದರೆ ಕರ್ನಾಟಕವಲ್ಲದೇ ಇತರೆ ರಾಜ್ಯಗಳಲ್ಲಿ ಆಡುವಾಗ ಮತ್ತೊಂದು ಬಗೆಯ ಜೆರ್ಸಿಯಲ್ಲಿ ಮಲ್ಯ ಹುಡುಗರು ಮಿಂಚಲಿದ್ದಾರೆ.

ಕಪ್ಪು ಮತ್ತು ಕೆಂಪು ಬಣ್ಣಗಳಿಂದ ಕೂಡಿರುವ ಜೆರ್ಸಿಯಲ್ಲಿ ಆರ್ ಸಿಬಿ ಆಟಗಾರರು ಈ ಬಾರಿ ಕಣಕ್ಕಿಳಿಯಲಿದ್ದಾರೆ.